ԵՐԵՎԱՆ, 15 սեպտեմբերի – Sputnik. «Չեխական ավիաուղիներ» ավիաընկերությունը կվերսկսի Երևան–Պրահա–Երևան երթուղով սեզոնային ավիաչվերթերը 2016 թվականի դեկտեմբերի 13–ից հունվարի 16–ը, հայտնում է ընկերության մամուլի ծառայությունը։
Այդ երթուղին առայժմ կգործի սեզոնային սկզբունքով` ավիափոխադրումներ իրականացնելով Սուրբ ծննդի և Նոր տարվա տոների ժամանակահատվածում։ Մեկ ուղղությամբ տոմսի արժեքը կտատանվի 88 960 հազար դրամ ($183), իսկ վերադարձով` 162 460 դրամ ($335)։
Ավիաընկերությունը ենթադրում է Երևան–Պրահա–Երևան չվերթն իրականացնել շաբաթական երկու անգամ։ Երևանից չվերթը կիրականցվի երկուշաբթի և հինգշաբթի, իսկ Պրահայից վերադարձը` չորեքշաբթի և կիրակի։ 2015 թվականի դեկտեմբերի 26–ին և 2016 թվականի հունվարի 2–ին և 16–ին կիրականացվեն լրացուցիչ չվերթեր։
Չվերթերը կիրականացվեն էկոնոմ և բիզնես–կարգեր ունեցող А319 աերոբուսներով։ Ուղևորները կարող են նաև շարունակել իրենց ճանապարհը չեխական ավիաուղիներով մինչև Փարիզ, Հռոմ, Բարսելոնա, Մադրիդ, Ամստերդամ, Բրյուսել, Ֆրանկֆուրտ, Դյուսելդորֆ և այլն։
Ըստ նրա, թռիչքների հետագա իրականացումը կդիտարկվի, սական թռիչքների համապատասխան մոդել առայժմ չի ընտրվել։
«Դրական որոշում կընդունվի, եթե այն տնտեսապես նպատակահարմար լինի»,– նշել է Տոտը։
«Czech Airlines» ավիաընկերության առևտրային գործունեության հիմնական ուղղությունը կանոնավոր ավիաընկերություններով ուղևորափոխադրումն է։ «Czech Airlines» ավիաընկերությունը Չեխիայի Հանրապետության գլխավոր ավիափոխադրողն է, որը գործում է տրանսպորտային շուկայում 1923 թվականի հոկտեմբերից և ընդգրկված է աշխարհի հինգ ամենահին ավիաընկերությունների թվում։ «Czech Airlines»–ը նաև Օդային տրանսպորտի միջազգային ասոցիացիայի (IATA) հիմնադիր–անդամներից է, Եվրոպական ավիաընկերությունների ասոցիացիայի (АЕА) և «SkyTeam» դաշինքի անդամ է։
