ԵՐԵՎԱՆ, 15 սեպտեմբերի – Sputnik. Հավաքական անվտանգության պայմանագրի կազմակերպության (ՀԱՊԿ) նախաձեռնած ահաբեկչության և ծայրահեղականության դեմ պայքարին ուղղված քայլերը թույլ կտան նվազեցնել առկա սպառնալիքներն ու արդյունավետ մեխանիզմ մշակել դրանց հետ պայքարի համար, հայտնել է ՀՀ նախագահ Սերժ Սարգսյանը Դուշանբեում կայացած ՀԱՊԿ կոլեկտիվ անվտանգության խորհրդի նիստի ժամանակ։
«Հաշվի առնելով այն փաստը, որ միջազգային և տարածաշրջանային անվտանգության հիմնական մարտահրավերներից մեկը շարունակում է մնալ ծայրահեղական կազմակերպություններից և խմբավորումներից բխող ահաբեկչության վտանգը, ձեռնարկած համընդհանուր քայլերը թույլ կտան նվազեցնել այդ սպառնալիքները և մշակել արդյունավետ մեխանիզմ դրանց դեմ պայքարելու համար», – ասել է Սարգսյանը։
ՀԱՊԿ կոլեկտիվ անվտանգության խորհրդի նիստի արդյունքը պետք է լինի միության պետությունների առաջնորդների հայտարարությունը, որում ներկայացված են լինելու մարտահրավերներին և սպառնալիքներին ուղղված ընդհանուր մոտեցումները։ Սպասվում է նաև, որ ավելի քան տասը փաստաթուղթ պետք է ստորագրվի` կապված ՀԱՊԿ ընթացիկ գործունեության հետ։
ՀԱՊԿ–ի կազմում ընդգրկված են վեց պետություններ` Հայաստանը, Բելառուսը, Ղազախստանը, Ղրղըզստանը, Ռուսաստանն ու Տաջիկստանը։ ՀԱՊԿ կոլեկտիվ անվտանգության խորհրդի նախորդ նիստը տեղի է ունեցել Մոսկվայում 2014 թվականի դեկտեմբերի 23-ին։ Այնուհետև նախագահությունն անցել է Տաջիկստանին, իսկ հաջորդ նախագահը կդառնա Հայաստանը։
Սարգսյան. ՀԱՊԿ–ի քայլերը թույլ կտան նվազեցնել ահաբեկչության սպառնալիքները
Բաժանորդագրվել
Միջազգային և տարածաշրջանային անվտանգության հիմնական մարտահրավերներից մեկը շարունակում է մնալ ծայրահեղական կազմակերպություններից և խմբավորումներից բխող ահաբեկչության վտանգը, նշել է Հայաստանի նախագահ Սերժ Սարգսյանը։
