Փշալարեր և պարիսպ. Հունգարիան փակել է դեպի Եվրոպա փախստականների մուտքը

Սեպտեմբերի 15-ից անօրինական կերպով հունգարա–սերբական սահմանը հատող փախստականները կարող են ազատազրկվել երեք տարի ժամկետով կամ արտաքսվել Սերբիա։ Փախստականի պաշտոնական կարգավիճակ ստանալ ցանկացողները նույնպես կարող են վերադարձվել Սերբիա մինչև փաստաթղթերի ձևակերպման ավարտը։

Մինչև հիմա փախստականների և միգրանտների հանդեպ ոչ մի լուրջ միջոցներ չեն կիրառվել. Նրանք կարող էին մնալ երկրում հունգարա–սերբական սահմանի փշալարից սարքված թույլ պաշտպանված ցանկապատն անցնելու պարագայում։

Չսպասելով սեպտեմբերի 15-ին Հունգարիան արդեն երկուշաբթի օրը Ռյոսկե գյուղի սահմանային շրջանում փակել է ազատ տեղաշարժվելու հնարավորությունը։ Այդ տեղայնքում ոստիկանությունը փշալարեր է տեղադրել, իսկ երկաթուղին  փակել է վագոններով։

Սերբիան և Հունգարիան վերջին ամիսներին փախստականների մեծ աճ է գրանցել, մասնավորապես Սիրիայից, որոնք ուղևորվում են արևմտյան և հյուսիսային Եվրոպայի երկրներ։

2015 թվականի սկզբից ԵՄ տարածք ժամանել է շուրջ 500 հազար միգրանտ, նրանց շարքերն օրեցօր ավելանում են հազարավոր նորեկներով։  Եվրահանձնաժողովը հայտնել է, որ աշխարհում ներկայիս միգրացիոն ճգնաժամը Երկրորդ համաշխարհային պատերազմից հետո ամենախոշորն է։