Գերմանիայի իշխանությունը որոշել է օգտվել սահմանների վերաբերյալ Շենգենյան օրենքի հնարավորություններից և ժամանակավոր վերականգնել ԵՄ երկրների հետ սահմանային վերահսկումը։
Սահմանների վերաբերյալ Շենգենյան օրենքի 23-րդ հոդվածը գոտու ներսում ներքին սահմանների վերահսկողությունը վերականգնելու հնարավորություն է տալիս։
«Հասարակական կարգի լուրջ վտանգի կամ ներքին անվտանգության խախտման պայմաններում անդամ–պեպտությունը բացառության կարգով կարող է ժամանակավոր վերականգնել սահմանի վերահսկողությունը ոչ ավել քան 30 օրվա ընթացքում կամ լուրջ վտանգի պարագայում դրա գործելու ժամանակահատվածում, եթե այն գերազանցում է 30 օրը», – գրված է փաստաթղթում։
Գերմանիայի ներքին գործերի նախարար Թոմաս դե Մեզյերը հայտնել է, որ անվտանգության նկատառումներով վերահսկողությունը վերականգնվել է, առաջին հերթին, Ավստրիայի և Բավարիայի հետ սահմանում։ Անցյալ շաբաթ տասը հազար փախստականներ հենց այստեղով են անցել։ Bayerischer Rundfunk հեռուսատաընկերության տեղեկատվության համաձայն, օգոստոսի վերջին, հիմնականում Մյունխենից Բավարիա են ժամանել շուրջ 63 հազար փախստականներ։
Մեզյերը նշել է, որ Գերմանիան շարունակելու է հաշվի առնել եվրոպական և ազգային փախստականների պաշտպանության գործող նորմերը, սակայն բոլորին հատ–հատ ընդունել այն չի կարող։
Գերմանիան, ի տարբերություն ԵՄ այլ երկրների, մագնիսի պես ձգում է փախստականներին սոցիալական համակարգի գրավչության և ֆինանսական հնարավորությունների շնորհիվ։ Հիմնավորվել Հունգարիայի նման երկրներում փախստականները պարզապես չեն ցանկանում` այդպիսի երկրներից օգտվում են զուտ տրանզիտի համար։
Պաշտոնյաների հայտարարություն. փախստականների հոսքը ստիպել է Գերմանիային «փակել» սահմանը
15:18 15.09.2015 (Թարմացված է: 15:19 15.09.2015)
© Ruptly
Բաժանորդագրվել
Գերմանիայի ներքին գործերի նախարար Թոմաս դե Մեզյերը և Բավարիայի վարչապետ Խորսթ Զեյեխոֆերը մեկնաբանել են Բեռլինի փախստականների մեծ հոսքի պատճառով ԵՄ երկրների հետ սահմանային վերահսկումը ժամանակավոր վերականգնելու մասին որոշումը
