Սարգսյանը հայտարարել է Ադրբեջանի հետ սահմանին ապակայունացման սպառնալիքի մասին

ԵՐԵՎԱՆ, 15 սեպտեմբերի– Sputnik. ՀՀ նախագահ Սերժ Սարգսյանը երեքշաբթի Դուշանբեում հայտարարել է տարածաշրջանի ապակայունացման սպառնալիքի մասին Հայաստանի և Ադրբեջանին սահմանին իրավիճակի սրման հետևանքով։

Ելույթ ունենալով Տաջիկստանում անցկացվող ՀԱՊԿ հավաքական անվտանգության խորհրդի նստաշրջանին` Սարգսյանը նշել է, որ ՀԱՊԿ պետությունների ղեկավարները նեղ շրջանակում հանդիպման ժամանակ քննարկել են սուր հարցեր։ Քննարկումը,«ըստ ավանդույթի, անցավ անկեղծ, վստահելի միջավայրում»։

«Ես տեղեկացրել եմ ՀԱՊԿ պետությունների ղեկավարներին Հարավային Կովկասի տարածաշրջանում տիրող իրավիճակի մասին` նրանց ուշադրությունը հրավիրելով հայ–ադրբեջանական սահմանի և ղարաբաղա–ադրբեջանական շփման գծի երկայնքով լարվածության աճի էական սպառնալիքի վրա։ Չեմ պատրաստվում այս հարցը կրկին շոշափել այս հարցը, միայն նշեմ, որ Ադրբեջանի կողմից սահմանի իրավիճակի սրման փորձերը միջազգային հանրության համարժեք արձագանքի բացակայության դեպքում կարող են հանգեցնել ապակայունացման ողջ տարածաշրջանում», – ասել է Սարգսյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն ընդհանուր առմամբ շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան: —0-