ԵՐԵՎԱՆ, 14 սեպտեմբերի– Sputnik. Սահմանադրական բարեփոխումները Հայաստանին կօգնեն զարգացման նոր փուլ թևակոխել, երկուշաբթի լրագրողներին ասաց ՀՀԿ պատգամավոր Լևոն Մարտիրոսյանը։
«Երեքշաբթի Հայաստանի Ազգային ժողովի լիագումար նիստում կքննարկեն սահմանադրական բարեփոխումների նախագիծը», — ավելացրեց Մարտիրոսյանը` նշելով, որ այս առիթով մինչ օրս բազմաթիվ միջոցառումներ և մամուլի ասուլիսներ են անցկացվել:
Պատգամավորն ընդգծեց, որ հայ հասարակության և երկրի առջև լուրջ խնդիր է դրված: «Եթե այս փոփոխությունները հաստատվեն, մենք կթևակոխենք զարգացման նոր փուլ: Խորհրդարանական կառավարման համակարգը, իմ խորին համոզմամբ, չափազանց դրական ազդեցություն է ունենալու», — նշեց Մարտիրոսյանը:
Նրա խոսքերով, աշխարհի առաջատար ժողովրդավարական պետություններում խորհրդարանական կառավարման համակարգ է գործում, իսկ նախագահական կամ կիսանախագահական կառավարման կարգ ունեցող երկրները ժողովրդավար չեն:
«Խորհրդարանական կառավարման ձևին անցնելը բարձրացնելու է կուսակցությունների դերը մեր կյանքում, քաղաքացիական հասարակության դերը, ինչը ես կարևորում եմ», — նշեց Մարտիրոսյանը:
Հայաստանի սահմանադրական բարեփոխումների ամբողջական փաթեթը (16 գլուխ), որը նախատեսում է անցում կատարել խորհրդարանական կառավարման մոդելի, հաստատվել է մասնագիտական հանձնաժողովի կողմից օգոստոսի 21-ին: Նույն օրը նախագահ Սերժ Սարգսյանը նախագիծն ուղարկել է խորհրդարան:
Սեպտեմբերի 11-ին պետա-իրավական հարցերով զբաղվող խորհրդարանական հանձնաժողովը նախագծի վերաբերյալ դրական որոշում է կայացրել: Սահմանադրական բարեփոխումների խորհրդարանական քննարկումները սկսվելու են սեպտեմբերի 15-ից` ԱԺ աշնանային նստաշրջանի առաջին լիագումար նիստի օրը:
Պատգամավոր. Սահմանադրական բարեփոխումները թույլ կտան զարգացման նոր փուլ թևակոխել
© SputnikКонституция
![Конституция Конституция - Sputnik Արմենիա](https://cdn.am.sputniknews.ru/img/31/70/317099_0:44:1025:620_600x0_80_0_0_9b98d8f16f0647d8059d695ec9cf3554.jpg)
© Sputnik
Բաժանորդագրվել
Պատգամավորն ընդգծեց, որ սպասվող սահամադրական բարեփոխումների հետ կապված` հայկական հասարակության և երկրի առջև լուրջ խնդիր է դրված