ԵՐԵՎԱՆ, 13 սեպտեմբերի- Sputnik. ԱՄՆ-ում պատրաստվում են կազմակերպել մի քանի տարի առաջ մահացած աշխարհահռչակ երգչուհի Ուիթնի Հյուսթոնի հոլոգրաֆիկ պատկերով «համերգը»:
Ինչպես հաղորդում է CNN-ը, երգչուհու քույրը՝ Փեթ Հյուսթոնը, հայտարարել է, որ պատրաստում է մահացած քրոջը «բեմ վերադարձնել»: Նրա խոսքով՝ 2016թ.-ին կստեղծվի Հյուսթոնի հոլոգրաֆիկ պատկերը:
«Դա հիանալի հնարավորություն է նրա երկրպագուների համար՝ վերաիմաստավորել աշխարհի ամենահայտնի կանանցից մեկի արվեստը և շարունակել ցույց տալ ստեղծագործական ժառանգությունը, որը չի մոռացվի գալիք տարիներին»,- ասել է Փեթը:
Նշվում է, որ համերգը նախատեսվում է հեռարձակել հեռուստատեսությամբ և ինտերնետով: Եթե փորձը հաջողվի, չի բացառվում, որ նույն սկզբունքով համերգներ անցկացվեն նաև այլ երկրներում:
Նախագիծը պատրաստվում է ֆինանսավորել ամերիկյան Hologram ընկերության գլխավոր տնօրեն Ալքի Դևիդը:
Ուիթնի Հյուսթոնը մահացել է Բևեռլի Հիլզի Beverly Hilton հյուրանոցային համարում 2012 թվականի փետրվարի 12–ին: Մահը հաստատել էին շտապօգնության բժիշկները։ Երգչուհին 48 տարեկան էր, բուժվում էր թմրամոլությունից։ Քննիչի պաշտոնական ներկայացուցիչը, որը վարում էր Հյուսթոնի մահվան գործը, հայտնել էր, որ երգչուհին պատահաբար խեղդվել է։ Նրա մահվան պատճառ էին համարվել սրտի աթերոսկլերոտիկ հիվանդությունն ու կոկաինի օգտագործումը։
Ամերիկացիները կդիտեն Ուիթնի Հյուսթոնի հոլոգրամայի համերգը
15:47 13.09.2015 (Թարմացված է: 16:48 13.09.2015)
© Sputnik / Алексей Пеньков
/ Բաժանորդագրվել
Երգչուհու քույրը հայտնել է, որ առաջին համերգը կանցկացվի ԱՄՆ-ի խոշոր քաղաքներից մեկում, համերգն ուղիղ հեռարձակմամբ կցուցադրվի հեռուստատեսությամբ և համացանցով
