ԵՐԵՎԱՆ, 12 սեպտեմբերի- Sputnik. Անդրեյ Գայդուլյանն առաջին անգամ խոսել է իր մոտ հայտանաբերված հիվանդությնա մասին: Գերմանիայում ստացած քիմիաթերապիայի կուրսից հետո 31-ամյա դերասանը տեսաուղերձ է ձայնագրել իր երկրպագուների և նրանց համար, ովքեր անհանգստանում են նրա առողջության համար:
Դերասանը գտնվում է Մյունխենում, որտեղ նրա առողջության համար պայքարում են լավագույն մասնագետները: Բուժման ընթացքում Գայդուլյանը զգալիորեն փոխվել է. նիհարել է և ճառագայթման հետևանքով զրկվել մազերից:
«Արդեն մեկ ամիս է՝ գտնվում եմ այստեղ: Փառք Աստծուն, ամեն ինչ կարգին է ձեր աղոթքների և բժիշկների շնորհիվ: Կարող եմ ասել, որ սկսում եմ ապաքինվել: Հիվանդությունում բեկումնային պահ է, և ես առողջանում եմ: Շնորհակալ եմ բոլորին և եթե կարող եմ ինչ-որ բանի մասին խնդրել, ապա միայն աղոթեք ինձ համար: Հուսով եմ՝ շուտով կվերադառնամ Մոսկվա և կզբաղվեմ արվեստով»,- ասել է նա:
Գայդուլյանը կոչ է արել զգուշանալ խաբեբաներից, որոնք փող են հավաքում իբր նրա բուժման համար: Դերասանը հավաստիացրել է, որ օգնության կարիք չունի, սակայն շնորհակալ է բոլորին, ով փող է փոխանցել նրա հաշվին:
«Թող Աստված դատի նրանց՝ այդ խաբեբաներին, ցանկանում եմ ներողություն խնդրել նրանցից, ովքեր նրանց թեկուզ 10 ռուբլի են տվել»,- ասել է դերասանը: Քիմիաթերապիայից հետո Գայդուլյանը զրկվել է մազերից:
Իր ախտորոշման՝ չարորակ լիմֆոմայի մասին Անդրեյ Գայդուլյանն իմացել է երկու ամիս առաջ: Մոսկվայի Բլոխինի անվան ուռուցքաբանական կենտրոնում բուժման կուրս անցնելուց հետո Անդրեյը մեկնել է Գերմանիա, որտեղ քիմիաթերապիայի կուրս է ստացել: Դերասանը Մյունխենի կլինիկայում կմնա մինչև Ամանոր:
Անդրեյ Գայդուլյանն առաջին անգամ խոսել է քաղցկեղից բուժվելու ընթացքի մասին
10:16 13.09.2015 (Թարմացված է: 12:02 13.09.2015)
© Скриншот
Բաժանորդագրվել
Գայդուլյանը զգալիորեն փոխվել է. նիհարել է և ճառագայթման հետևանքով զրկվել մազերից
