ԵՐԵՎԱՆ, 12 սեպտեմբերի –Sputnik. «Ո՛չ թալանին» կարգախոսով այս պահի դրությամբ, դժվար թե, լինի այնպիսի կոնսոլիդացիա, ինչպես եղավ հունիսին: «Sputnik-Արմենիա» ռադիոկայանի հետ զրույցում նման տեսակետ է հայտնել քաղաքական և ընտրական տեխնոլոգիաների փորձագետ Վիգեն Հակոբյանը՝ մեկնաբանելով սեպտեմբերի 11-ին ցուցարարների՝ Բաղրամյան պողոտան կրկին փակելու փորձերը:
«Ո՛չ թալանին» կարգախոսի անկյունաքարը մնում է էլեկտրաէներգիայի սակագնի բարձրացման խնդիրը, հետեւաբար, ինչպես նկատում է Հակոբյանը, ներկայում այդ խնդրի սրությունը բավական թուլացած է, «քանի դեռ աուդիտ չի իրականացվել եւ քանի դեռ բնակչությունն իր մաշկի վրա չի զգացել հոսանքի սակագնի բարձրացման պտուղները»:
«Բարձրացված սակագնի տարբերությունն առայժմ փոխհատուցվում է բնակչության համար, և բնակչությունը, փաստացի, չի զգում այդ թանկացումը, միայն փոքր և միջին բիզնեսն է ավելի շատ զգում, իսկ խոշորի համար առանձնապես մեծ տարբերություն չկա: Կարծում եմ, քանի դեռ քաղաքացու գրպանից գումարը դուրս չի եկել, այդ նույն կարգախոսով շատ դժվար կլինի ժողովրդին մոբիլիզացնել, եթե նույնիսկ Բաղրամյան պողոտայում տեղի ունենան շատ թեժ իրադարձություններ»,-կարծում է քաղաքական և ընտրական տեխնոլոգիաների փորձագետը:
Այնուհանդերձ, եթե ՀԷՑ-ում նախատեսված աուդիտի արդյունքում պարզվի, որ հոսանքի սակագնի բարձրացումը հիմնավոր է, եւ սպառողը պետք է վճարի այդ հավելյալ գումարը, ապա Վիգեն Հակոբյանի համոզմամբ, այդ կարգախոսը մարդկանց նորից կհանի փողոց:
Երեկ երեկոյան էլեկտրաէներգիայի թանկացման դեմ ուղղված ակցիայի հարյուրավոր մասնակիցները փորձել էին անցնել դեպի Բաղրամյան պողոտայում տեղակայված նախագահական նստավայր, սակայն չէին կարողացել կտրել ոստիկանական շղթան:
Քաղտեխնոլոգ. «Ո՛չ թալանին» կարգախոսով այժմ դժվար կլինի մոբիլիզացնել ժողովրդին
© Photo
Բաժանորդագրվել
Եթե ՀԷՑ-ում նախատեսված աուդիտի արդյունքում պարզվի, որ հոսանքի սակագնի բարձրացումը հիմնավոր է, այդ կարգախոսը մարդկանց նորից կհանի փողոց
