ԵՐԵՎԱՆ, 12 սեպտեմբերի– Sputnik. Երևանում հանրահավաքն ընթացել է խաղաղ և ազատ մթնոլորտում, շաբաթ օրը Երևանում լրագրողներին ասաց Բրյուսելի ֆրանկոֆոն խորհրդարանի ղեկավար Ժյուլի դը Գրոտը։
Երեկ երեկոյան էլեկտրաէներգիայի թանկացման դեմ ուղղված ակցիայի հարյուրավոր մասնակիցները փորձել են հասնել նախագահական նստավայր, սակայն չեն կարողացել հաղթահարել ոստիկանական շղթան: Լուսաբացին ոստիկանությունը ցուցարարներին հեռացրել է երթևեկելի հատվածից, ինչից հետո պողոտայում վերսկսվել է երթևեկությունը։
«Ղարաբաղից վերադառնալով Երևան` մեր հյուրանոց, որը գտնվում է Բաղրամյան պողոտայում, մեզ հաջողվեց զրուցել ցուցարարների հետ։ Մենք այստեղ չէինք եկել էլեկտրաէներգիայի սակագնի վերաբերյալ պահանջները գնահատելու համար, բայց չէիք կարող չծանոթանալ տեղի ունեցածի հետ»,– ասել է դե Գրոտը։
Նրա խոսքով` Հայաստանում և Ղարաբաղում տարբեր պաշտոնյաների, հասարակական կազմակերպությունների, ընդդիմության ներկայացուցիչների հետ հանդիպումները բելգիական պատվիրակությանը թույլ են տվել հասկանալ, որ երկրում խոսքի ազատությունը բարձր մակարդակի վրա է։
«Երիտասարդությունը փողոցներում երգում էր, պարում, բայց միաժամանակ ներկայացնում էր իր շահերը։ Տիրում էր խաղաղ և ազատ մթնոլորտ։ Շատ հաճելի էր շփվել երիտասարդ մարդկանց հետ, հատկապես` երևանյան տաք երեկոյի ընթացքում»,– ասել է դե Գրոտը։
Բելգիայի Թագավորությունից ժամանած խորհրդարանականների պատվիրակությունն այցելել է Հայաստան և Արցախ` այդ երկրների սոցիալ–քաղաքական կյանքին ծանոթանալու նպատակով` Բելգիայում և տարբեր եվրոպական կառույցներում հետագա լուսաբանման համար։
ԼՂՀ–ում խորհրդարանականները հանդիպել են հասարակական և երիտասարդական կազմակերպությունների ներկայացուցիչների, ինչպես նաև ԼՂՀ ԱԳՆ ղեկավար Կարեն Միրզոյանի հետ։
Երևանում բելգիական պատվիրակությանն ընդունել է Հայաստանի նախագահ Սերժ Սարգսյանը։
Բելգիացի պատգամավոր. Երևանում հանրահավաքն ընթացել է խաղաղ մթնոլորտում
© Sputnik / Асатур Есаянц
Բաժանորդագրվել
Բելգիացի պատգամավոր Ժյուլի դը Գրոտը կարծում է, որ Հայաստանում և Ղարաբաղում հանդիպումները թույլ են տվել հասկանալ, թե որքան բարձր է խոսքի ազատության մակարդակը երկրում
