ԵՐԵՎԱՆ, 12 սեպտեմբերի– Sputnik. Մամուլում տեղեկություններ են տարածվել այն մասին, որ Հայաստանի Թատերական գործիչների միությունը սնանկ է ճանաչվել, իսկ միության շենքը գրավի տակ է, գրում է «168 ժամ» թերթը: Ըստ տարածված լուրերի՝ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի վճիռն օրինական ուժի մեջ է մտել ընթացիկ տարվա հուլիսի 17-ին: Պարտատերերի առաջին ժողովը նշանակված է սեպտեմբերի 20-ին՝ նույն դատարանի շենքում:
Թերթի թղթակիցը հեռախոսազրույց է ունեցել ՍՊԸ-ի սնանկության գործով կառավարիչ Հարություն Ղարիբյանի հետ, վերջինը հաստատել է, որ Հայաստանի Թատերական գործիչների միության նախագահ Հակոբ Ղազանչյանի կինը՝ Լարիսա Ղևոնդյանը, բնակարան գնելու նպատակով «Առէքսիմբանկից» 80.000 դոլար արժողությամբ վարկ է վերցրել և վճարում չի կատարել:
«Այս պահի դրությամբ չվճարված պարտքի գումարը կազմում է 130.000 դոլար, որի արդյունքում վերոհիշյալ բանկը դատական հայց է ներկայացրել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան՝ պահանջելով սնանկ ճանաչել պարտապաններին՝ Հակոբ Ղազանչյանին, վերջինի տիկնոջը՝ Լարիսա Ղևոնդյանին, ինչպես նաև՝ «ՀԳԹՄ թատրոն» ՍՊԸ-ին:
ՍՊԸ-ի սնանկության գործով կառավարիչ Հարություն Ղարիբյանը թերթի հետ զրույցի ընթացքում տեղեկացրել է, որ վարկային պարտավորությունների դիմաց երաշխավորներ են կանգնել ինչպես Թատերական գործիչների միության նախագահ Հակոբ Ղազանչյանը, այնպես էլ «ՀԳԹՄ թատրոն» ՍՊԸ-ն, վարկի դիմաց գրավադրվել է Ղազանչյանի տիկնոջը պատկանող բնակարանը»,-գրում է թերթը:
Հակոբ Ղազանչյանն ու նրա կինը ֆինանսական սկանդալի կենտրոնում են հայտնվել
© Sputnik / Антон Денисов
/ Բաժանորդագրվել
Հայաստանի Թատերական գործիչների միության նախագահ Հակոբ Ղազանչյանի կինը՝ Լարիսա Ղևոնդյանը, բնակարան գնելու նպատակով «Առէքսիմբանկից» 80.000 դոլար արժողությամբ վարկ է վերցրել և վճարում չի կատարել
