ԵՐԵՎԱՆ, 12 սեպտեմբերի– Sputnik. Բոլոր քաղաքացիները, որոնց ոստիկանությունը բերման էր ենթարկել Բաղրամյան պողոտայից, արդեն ազատ են արձակվել, Sputnik Արմենիա պորտալին շաբաթ օրը հայտնեց ոստիկանության մամուլի ծառայության աշխատակիցը։
Իրավապահ ուժերը շաբաթ առավոտյան 05:30-ին հաշված րոպեների ընթացքում Բաղրամյան պողոտայի երթևեկելի հատվածն ազատեցին էլեկտրաէներգիայի թանկացման դեմ բողոքող ցուցարարներից։ Ոստիկանության բաժանմունքներ էին տարել 48 ցուցարարների։
Մամուլի ծառայության աշխատակցի խոսքով` բերման ենթարկված անձանց նկատմամբ արձանագրություններ են կազմվել օրենսգրքի վարչական իրավախախտումների մասին 182–րդ հոդվածի համապատասխան, որից հետո ժամը 09։00–ին նրանց բոլորին ազատ են արձակել։
Սա էլեկտրաէներգիայի թանկացման դեմ ուղղված բողոքի ակցիայի երկրորդ փուլն է: Բողոքի ցույցերը սկսվել էին հունիսին Հայաստանի հանրային ծառայությունները կարգավորող հանձնաժողովի` օգոստոսի 1-ից էլեկտրաէներգիայի սակագները 16 տոկոսով բարձրացնելու մասին որոշումից հետո, ընդ որում, «Հայաստանի էլեկտրացանցեր» ընկերությունն առաջարկում էր սակագինը բարձրացնել 40,8 տոկոսով:
Երեկ երեկոյան էլեկտրաէներգիայի թանկացման դեմ ուղղված ակցիայի հարյուրավոր մասնակիցները փորձել էին անցնել դեպի Բաղրամյան պողոտայում տեղակայված նախագահական նստավայր, սակայն չէին կարողացել կտրել ոստիկանական շղթան:
Ոստիկանություն. Երևանում գիշերային ցույցի ընթացքում բերման ենթարկված բոլոր անձանց ազատ են արձակել
12:03 12.09.2015 (Թարմացված է: 12:25 12.09.2015)
© Sputnik / Asatur Yesayants
Բաժանորդագրվել
Բերման ենթարկված անձանց նկատմամբ կազմել են արձանագրություններ` վարչական իրավախախտումների մասին
