Ռուսաստանի արտաքին գործերի նախարար Սերգեյ Լավրովը Մոսկվայում Սուդանի և Հարավային Սուդանի ԱԳՆ ղեկավարների հետ բանակցություններից հետո կազմակերպված ասուլիսի ժամանակ պատմել է, թե ինչով է պայմանավորված ռուս զինվորականների ներկայությունը Սիրիայում։
ՌԴ արտգործնախարարի խոսքով` ռուս զինծառայողներն արդեն երկար ժամանակ է` Սիրիայում են։ Նրանք ապահովում են երկրի բանակի սպառազինությունների առաքումները, որն իր վրա է կրում ահաբեկչությանը` ի դեմս Իսլամական պետության և այլ ծայրահեղական խմբավորումների դիմակայելու հիմնական բեռը։
«Մենք օգնել ենք և շարունակում ենք օգնել Սիրիայի կառավարությանը` սիրիական բանակին անհրաժեշտ ամեն ինչով հագեցնելու համար, որպեսզի այն թույլ չտա Սիրիայում լիբիական սցենարի և այլ տխուր իրադարձությունների կրկնությունը, որոնք տեղի են ունեցել այդ տարածաշրջանում` մեր որոշ արևմտյան գործընկերների` անհարմար ռեժիմները փոխելու մոլուցքի պատճառով»,– հայտարարել է Լավրովը։
Լավրովը նշել է, որ ՌԴ ինքնաթիռներով Սիրիա է տեղափոխվում «թե՛ ռազմական նշանակության արտադրանք` առկա պայմանագրերի համաձայն, թե՛ մարդասիրական օգնություն»։
Լավրովը բացատրել է, թե ինչով է պայմանավորված ռուս զինծառայողների ներկայությունը Սիրիայում
© Ruptly
Բաժանորդագրվել
Ռուսաստանի արտաքին գործերի նախարար Սերգեյ Լավրովը Մոսկվայում Սուդանի և Հարավային Սուդանի ԱԳՆ ղեկավարների հետ բանակցություններից հետո պատմել է, թե ինչով է պայմանավորված ռուս զինվորականների ներկայությունը Սիրիայում
