ԵՐԵՎԱՆ, 8 սեպտեմբերի– Sputnik. Ռուսաստանի տրամադրած ռազմական վարկի շրջանակում Հայաստանը Ռուսաստանից կգնի հակաօդային պաշտպանության միջոցներ և հակատանկային հրթիռներ, երեքշաբթի «Հայաստան–Ռուսաստան. փոխհարաբերություններ և հեռանկարներ» տեսակապի ժամանակ ասաց ԱՊՀ երկրների Կովկասի ինստիտուտի բաժնի վարիչ Վլադիմիր Եվսեևը։
Ռուսաստանը Հայաստանին կտրամադրի 200 մլն վարկ 2015-2017թթ.–ին ռուսական արտադրության նորագույն տեսակների ռազմական տեխնիկա գնելու համար։ Վարկը տրամադրվում է 13 տարով` երեք տարի արտոնյալ ժամկետով և տարեկան 3 տոկոս տոկոսադրույքով։
«Ռուսաստանը Հայաստանին վարկ է տրամադրում սպառազինություն գնելու համար։ Մեր տվյալով` այդ միջոցները կօգտագործվեն ոչ թե «Իսկանդերներ», այլ հակատանկային հրթիռներ և ՀՕՊ միջոցներ գնելու նպատակով»,– ասաց Եվսեևը։
Ռազմական փորձագետի խոսքով` Ադրբեջանը գերազանցում է ավիացիայի և տանկերի ոլորտում, ուստի այդ սպառազինությունները գնելու շնորհիվ Հայաստանը կհավասարեցնի առկա տարբերությունը։
Եվսեև. Հայաստանը ՌԴ–ից ՀՕՊ միջոցներ և հակատանկային հրթիռներ կգնի
![Занятия по боевой подготовке на армейском полигоне ВМФ Занятия по боевой подготовке на армейском полигоне ВМФ - Sputnik Արմենիա](https://cdn.am.sputniknews.ru/img/58/34/583458_0:186:2962:1860_600x0_80_0_0_d6688edf829688dc5e29d5681649bd68.jpg)
© Sputnik / Игорь Зарембо
/ Բաժանորդագրվել
Ռուսաստանը Հայաստանին կտրամադրի 200 մլն վարկ 2015-2017թթ.–ին ռազմական տեխնիկա գնելու համար