ԵՐԵՎԱՆ, 8 սեպտեմբերի– Sputnik. Ուկրաինայում տիրող իրավիճակի կարգավորման հարցերով զբաղվող շփման խմբի բանակցություններն ավարտվել են։ Այս մասին հայտնում է Բելառուսի արտգործնախարարությունը։
Բանակցությունների ընթացքին քաջածանոթ աղբյուրը հայտնել է, որ առաջիկայում շփման խումբը կվերսկսի իր աշխատանքը, բայց արդեն ինքնահռչակ Դոնեցկի և Լուգանսկի ժողովրդական հանրապետությունների ներկայացուցիչների և ԵԱՀԿ համակարգողների ենթախմբի մասնակցությամբ։
Նա նաև պատմել է, որ անվտանգության և քաղաքական հարցերով զբաղվող ենթախմբերը ներկա պահին շարունակում են նիստերը, իսկ մարդասիրական և տնտեսական հարցերով զբաղվող ենթախմբերն արդեն ավարտել են աշխատանքը։
Հիմնական հարցերից մեկը Դոնբասում 100 մմ տրամաչափով սպառազինությունները դուրս բերելու մասին փաստաթղթի համաձայնեցումն է։ Շփման խմբի` օգոստոսի 26–ին անցկացված հանդիպմանը փաստաթուղթը չէին կարողացել համաձայնեցնել, թեև կողմերն այն քննարկել էին երկու օր շարունակ, իսկ հետո ենթախումբն անցկացրել էր հերթական հանդիպումը, որը նույնպես տևել էր երկու օր։
Դոնբասի ներկայացուցիչները հույս են հայտնել, որ երեքշաբթի փաստաթուղթը վերջնականապես կհամաձայնեցվի։ Հարկ է նշել, որ հանդիպման ընթացքում Դոնբասում պահպանվել է հրադադարի ռեժիմը, որի մասին կողմերը պայմանավորվել էին օգոստոսի 26–ի բանակցությունների ժամանակ։
Ուկրաինայի հարցերով զբաղվող շփման խմբի բանակցությունների հերթական փուլն ավարտվել է
© Sputnik / Ю. Иванов
/ Բաժանորդագրվել
Աղբյուրը հաղորդել է, որ շփման խումբը շուտով կվերսկսի աշխատանքը, սակայն` ԴԺՀ–ի և ԼԺՀ–ի ներկայացուցիչների ու ԵԱՀԿ–ի համակարգողների մասնակցությամբ
