00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
6 ր
09:25
7 ր
Ուղիղ եթեր
09:32
28 ր
Ուղիղ եթեր
10:00
7 ր
Ուղիղ եթեր
10:07
37 ր
Ուղիղ եթեր
11:00
6 ր
Ուղիղ եթեր
13:00
4 ր
Ուղիղ եթեր
14:00
4 ր
Ուղիղ եթեր
17:00
4 ր
Ուղիղ եթեր
18:00
4 ր
5 րոպե Դուլյանի հետ
18:04
7 ր
Ուղիղ եթեր
19:00
5 ր
Ուղիղ եթեր
Լուրեր
09:21
46 ր
Ուղիղ եթեր
Լուրեր
10:00
46 ր
Ուղիղ եթեր
Մամուլի տեսություն
10:41
17 ր
Ուղիղ եթեր
Լուրեր
11:00
46 ր
Ուղիղ եթեր
Լուրեր
13:00
46 ր
Ուղիղ եթեր
Լուրեր
14:00
46 ր
Ուղիղ եթեր
Լուրեր
17:00
46 ր
Ուղիղ եթեր
Լուրեր
18:00
46 ր
Ուղիղ եթեր
Լուրեր
19:00
46 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Սարգսյան–Պուտին հանդիպման արդյունքները. առաջընթաց էներգետիկայի բնագավառում և Ղարաբաղի հարցը

© Sputnik / Михаил Климентьев / Անցնել մեդիապահոցПрезидент РФ В.Путин встретился с президентом Армении С.Саргсяном
Президент РФ В.Путин встретился с президентом Армении С.Саргсяном - Sputnik Արմենիա
Բաժանորդագրվել
Սարգսյանը նշել է, որ Եվրասիական տնտեսական միության գործունեությունը համագործակցության նոր սկիզբ է, և մեծ աշխատանք է սպասվում այդ ինտեգրացիոն միավորման բովանդակությունը հագեցնելու համար

ԵՐԵՎԱՆ, 8 սեպտեմբերի – Sputnik. Երկուշաբթի Նովո–Օգարյովոյում տեղի է ունեցել Հայաստանի և Ռուսաստանի նախագահներ Սերժ Սարգսյանի և Վլադիմիր Պուտինի հանդիպումը։ Քննարկվել է հարցերի լայն շրջանակ, մասնավորապես, երկու երկրների միջև առևտրաշրջանառության ընդլայնման և էներգետիկայի հատվածում համագործակցության հարցերը։

Համագործակցության ուղղությունների հստակեցում

Նախագահ Պուտինը հանդիպման սկզբում նշել է, որ մտադիր է Սարգսյանի հետ քննարկել առևտրատնտեսական համագործակցության հարցերը։

«Հաճելի է, որ Ռուսաստանը մնում է Հայաստանի առաջատար տնտեսական գործընկերը: Համեմատած 2013 թվականի հետ` անցած տարի զգալիորեն աճել է մեր ապրանքաշրջանառությունը, բայց, ցավոք, ընթացիկ տարվա առաջին կիսամյակում տեղի է ունեցել փոփոխություն դեպի նվազում: Մենք այսօր այդ մասին ևս կխոսենք: Այդտեղ կան որոշակի նրբություններ, որոնց ես դեռևս չունեմ պատասխաններ: Մենք պատրաստ ենք Ձեզ հետ քննարկել այդ հարցերը», – նշել է Պուտինը։

Հայ առաջնորդն իր հերթին նշել է, որ Ռուսաստանի նախագահ Վլադիմիր Պուտինի հետ բանակցությունների ընթացքում հնարավոր կլինի նոր լուծումներ գտնել` կապված էներգակիրների սակագնի հարցի հետ, որին արտարժույթի փոխարժեքի տատանումները պարզապես շատ բացասական են անդրադառնում։

«Հայաստանի համար առանցքային է մնում էներգակիրների սակագնի հարցը։ Այս ճգնաժամային իրավիճակում արտարժույթի կուրսի տատանումները պարզապես շատ բացասական են անդրադառնում սակագների վրա, և ես լիահույս եմ, որ մենք նոր լուծումներ կգտնենք՝ լավ լուծումներ», – ասել է ռուս առաջնորդի հետ հանդիպման ժամանակ Սարգսյանը։

Առաջընթաց էներգահատվածում համագործակցության մասով

Հայ–ռուսական արձանագրությունը, որը սահմանում է Հայաստան ՌԴ–ից մատակարարվող գազի գնի իջեցում 189-ից մինչև 165 դոլար` հազար խորանարդ մետրի համար, ստորագրվել է երկուշաբթի Մոսկվայում` ՌԴ էներգետիկայի նախարար Ալեքսանդր Նովակի և Հայաստանի էներգետիկայի և բնական պաշարների նախարար Երվանդ Զախարյանի աշխատանքային հանդիպման շրջանակներում։

Հաղորդագրության մեջ նաև նշվում է, որ բացի գների իջեցումից, փաստաթուղթը սահմանում է «Գազպրոմ Արմենիա» ՓԲԸ–ի աշխատանքի նորմալ գործունեության ապահովման հիմնական դրույթները։

Նովակն ու Զախարյանը նաև արձանագրություն են ստորագրել ՌԴ և ՀՀ կառավարությունների միջև 2013 թվականի դեկտեմբերի 2-ին ստորագրած համաձայնագրում «ԱրմՌոսգազպրոմ» ՓԲԸ–ի բաժնետոմսերի առուվաճառքի պայմանների և հետագա գործունեության մասին փոփոխություններ կատարելու մասին։

Արձանագրության համաձայն` հայկական կողմն իր վրա է վերցրել Հայաստանում «Գազպրոմ» ՓԲԸ–ի էլեկտրախնայողական ակտիվների տնտեսապես արդյունավետ աշխատանքի ապահովման պարտավորությունը ինչպես ներքին շուկայում, այնպես էլ արտահանման։

Годовое общее собрание акционеров компании Газпром - Sputnik Արմենիա
«Գազպրոմի» ներդրումները Հայաստանի ԳՏՀ–ում 5 տարում կարող են աճել 60 մլն դոլարով
Ընդ որում, ՌԴ Հայաստանի նախագահ Սերժ Սարգսյանի աշխատանքային այցի նյութերում նշվում է, որ մոտակա հինգ տարիներն նախատեսվում է ավելացնել «Գազպրոմ» ԲԲԸ ներդրումները 60 մլն դոլարով Հայաստանի գազատրանսպորտային համակարգի զարգացման համար։

«Ռուսական «Գազպրոմ» հոլդինգի` Հայաստանի գազատրանսպորտային համակարգի զարգացման համար  ներդրումները 2006 թվականից կազմել են 200 մլն դոլար, նախատեսվում է մոտակա հինգ տարում դրանք ավելացնել ևս 60 մլն դոլարով», – նշվում է նյութերում։

Նշվում է նաև, որ Ռուսաստանը հնարավոր տարբերակներ է դիտարկում` մասնակցելու համար Հայաստանի ԱԷԿ նոր էներգոբլոկի կառուցմանը։
Армянская АЭС - Sputnik Արմենիա
ՌԴ–ն դիտարկում է Հայկական ԱԷԿ–ի կառուցմանը մասնակցելու տարբերակները
«Հայաստանի ԱԷԿ–ի անվտանգ շահագործումն ապահովելու հարցում աջակցություն ցուցաբերելու հետ մեկտեղ ռուսական կողմը ուսումնասիրում է նոր էներգոբլոկի կառուցման հարցում մասնակցություն ունենալու հարցը», – նշվում է նյութերում։ Հայաստանի կառավարությունը 2014 թվականի մարտին որոշում է ընդունել  ԱԷԿ–ի երկրորդ էներգաբլոկի շահագործման ժամկետների երկարաձգման մասին։ Այդ որոշումը պայմանավորված է նոր միջուկային էներգաբլոկի կառուցման աշխատանկների ձգձգման հետ։ «Ռոսատոմը» պայմանավորվածություն է ձեռք բերել` հայ փորձագետների հետ մինչև 2026 թվականը շահագործման ժամկետները երկարացնելու նոր նախագծի մշակման ուղղությամբ։


Ղարաբաղյան հակամարտություն և վարկ զենքի համար
 
Հայաստանի նախագահ Սերժ Սարգսյանը իր ռուս գործընկերոջ հետ հանդիպման ժամանակ շնորհակալություն է հայտնել Ռուսաստանին ղարաբաղյան հակամարտության կարգավորման ուղիների որոնման ուղղությամբ ջանքերի համար։ Ինչպես նաև նշել է, որ մտադիր է սահմանային լարված իրավիճակի մասին ավելի մանրամասն խոսել Դուշանբեում ՀԱՊԿ գագաթնաժողովի ժամանակ, որը կկայանա սեպտեմբերի 15-ին։

«Վերջին երկու շաբաթներին սահմանում շատ լարված է։ Ադրբեջանական կողմը, բացի խոշոր տրամաչափի հրազենից, կիրառում է հրետանային զենք։ Իհարկե, մենք ստիպված ենք պատասխան տալ։ Ես դրա մասին ավելի մանրամասն կխոսեմ Դուշանբեում՝ ՀԱՊԿ գագաթնաժողովի ժամանակ», – ասել է Սարգսյանը։

Հայկական կառավարության ղեկավարը նաև նշել է, որ Ռուսաստանը Հայաստանին տրամադրելու է 200 մլն դոլարի արտոնյալ վարկ։ «Ստորագրվել է Հայաստանին 200 միլիոն ԱՄՆ արտոնյալ վարկ տրամադրելու համաձայնագիր, և դա թույլ կտա թարմացնել հայկական զինված ուժերի զինանոցը», – ասել է Սարգսյանը ՌԴ նախագահ Վլադիմիր Պուտինի հետ հանդիպման ժամանակ:

Հայաստանի ԱԺ–ն հուլիսի 2-ին վավերացրել է հայ–ռուսական միջկառավարական համաձայնագիրը` Հայաստանին նոր տեսակի զենքերի ձեռք բերման համար 200 մլն դոլարի պետական արտահանման վարկ տրամադրելու վերաբերյալ։ Այդ միջոցներով, մասնավորապես, նախատեսվում է 2015-2017 թվականների ընթացքում ձեռք բերել ռուսական արտադրության ռազմական արտադրանք։ Վարկը տրամադրվում է 13 տարի ժամկետով` տարեկան 3 տոկոս տոկոսադրույքով և երեք տարի արտոնյալ ժամկետով։

Շնորհակալական խոսքեր


Հայաստանի նախագահ Սերժ Սարգսյանը շնորհակալություն է հայտնել Ռուսաստանի նախագահ Վլադիմիր Պուտինին` Պերմյակովի քրեական գործը հայկական արդարադատությանը հանձնելու համար: «Ուզում եմ Ձեզ շնորհակալություն հայտնել Պերմյակովի քրեական գործը հայկական արդարադատությանը հանձնելու համար: Շատ շնորհակալ եմ Ձեզ», – ասել է Սարգսյանը ՌԴ նախագահի հետ հանդիպման ժամանակ։

2015 թվականի օգոստոսի 12-ին հրապարկվեց հինգերորդ ռուսական կայազորային դատարանի դատավճիռը` ՌԴ 102–րդ ռազմակայանի շարքային զինծառայող Վալերի Պերմյակովի նկատմամբ։ Նա մեղադրվում է դասալքության, զենք հափշտակելու և անօրինական կրելու մեջ։ Վալերի Պերմյակովը դատապարտվել է 10 տարվա ազատազրկման խիստ ռեժիմի գաղութում։

Հայաստանի քննչական կոմիտեի վարույթում է գտնվում  ևս մի գործ Պերկյակովի վերաբերյալ։ Նա  նաև մեղադրվում է Գյումրիում յոթ հոգուց բաղկացած ընտանիքի սպանության մեջ, որը կատարվել է 2015 թ.–ի հունվարին։

Ապագայի հեռանկարներ

Հայ առաջնորդն ընդգծեց, որ երկկողմ հարաբերություններում նոր իրողության սկիզբ է դրել Եվրասիական տնտեսական միության գործունեությունը։ Ընդ որում, նրա կարծիքով, դեռ շատ աշխատանք է սպասվում, որպեսզի այդ ինտեգրացիոն միավորման բովանդակությունը հագեցվի ժողովրդի համար զգալի գործերով:

«Մենք, իհարկե, պատրաստ ենք նման աշխատանքի և շահագրգռված ենք ապրանքի, կապիտալի, ծառայությունների ու աշխատուժի ազատ տեղաշարժի սկզբունքների հնարավորինս արագ կյանքի կոչման գործում», – նշել է Սարգսյանը։

Ռուսաստանի նախագահ Վլադիմիր Պուտինը նշել է, որ պարբերաբար հանդիպումներ է ունենում Հայաստանի նախագահի հետ, ինչպես նաև զրուցում են հեռախոսով։

«Այնուամենայնիվ, մենք միշտ քննարկելու բան ունենք։ Ես նկատի ունեմ Ռուսաստանի և Հայաստանի միջև հարաբերությունների առանձնահատուկ բնույթը, նկատի ունեմ Եվրասիական տնտեսական միությանը Հայաստանի միանալը, ինչպես նաև լիարժեք մասնակցությունը մեր մեկ այլ ինտեգրացիոն կառույցին՝ ՀԱՊԿ-ին», – ասել է ռուս առաջնորդը։

Լրահոս
0