Ասոցիացիայի նախագահ Կամո Մովսիսյանը Sputnik Արմենիային պատմել է, թե ինչպես է որոշվել Ջազի ասոցիացիա ստեղծել, նա խոսել է նաև կազմակերպչական աշխատանքների մասին
–Ինչպե՞ս ստեղծվեց Հայաստանում Ջազի ասոցիացիա ստեղծելու գաղափարը։
– Գաղափարը երեկ չի ծնվել։ Հայաստանում նախկինում էլ գործել են ասոցիացիաներ, որոնք փորձել են զբաղվել ջազի տարածմամբ։ Մեր կազմակերպության ստեղծման համար լավ և պատշաճ առիթ դարձավ Yerevan Jazz Fest–ը, որը տեղի կունենա Երևանում սեպտեմբերին։ Ասոցիացիայի ստեղծման գաղափարի էությունը նրանում է, որպեսզի բոլորին հավաքեն միասին, ով քարոզում է ջազ և դա ճիշտ անել։
–Ո՞վ կարող է դառնալ ասոցիացիայի անդամ:
– Ջազմենները և նրանք, ովքեր զբաղվում են Հայաստանում ջազի քարոզչությամբ, նրանք, ովքեր ավանդ են ունեցել երկրում այդ երաժշտական ուղղության տարածման մեջ։
– Ի՞նչ կոնկրետ խնդիրներ է կոչ արել լուծել ասոցիացիան և ինչպիսի՞ նպատակներ են իրենց առջև դնում դրա ստեղծողները։
–Այսօր Ջազի հայկական ասոցիացիան զբաղվում է Yerevan Jazz Fest 2015–ի հետ կապված կազմակերպչական գործունեությամբ, ինչպես նաև այլ երկրների ջազային ասոցիացիաների հետ կապեր հաստատելով։ Փորձը վկայում է, որ երբ դու ներկայանում ես ասոցիացիայի անունից, ապա քո նկատմամբ վերաբերմունքն ավելի լուրջ է։
Մասնավորապես, ցանկանում եմ նշել մեր վերջին ձեռքբերումը։ Մենք ասոցիացիայի անունից դիմել ենք աշխարհում ամենահայտնի երաժշտական հեռուստաալիքներից մեկին` ֆրանսիական Mezzo TV–ին, որի դիտումների թիվը կազմում է ավելի քան 50 մլն։ Արդյունքում Yerevan Jazz Fest 2015–ը տարածաշրջանում առաջին ջազ–փառատոնն է, որը նրանք պատրաստ են ներկայացնել իրենց ալիքում։ Տասն օրերի ընթացքում հեռուստաալիքն ամեն օր հինգ թողարկումներով կլուսաբանի մեր փառատոնը։ Շատ կարևոր է, որպեսզի աշխարհն իմանա, որ կա նման քաղաք Երևան, որտեղ կազմակերպվում է ջազի փառատոն։
Հաճելի է նշել, որ փառատոնն արդեն ավելի մեծ արձագանք է առաջացրել, քան, օրինակ, միլիոնավոր բյուջեներով փառատոները, որոնք անցկացվում են Վրաստանում և Ադրբեջանում։
– Երևանը ժամանակին համարվում էր Խորհրդային Միության ջազային մայրաքաղաքը, մեր քաղաքը թելադրել է ջազային նորաձևություն, կազմակերպել բազմաթիվ համերգներ, որոնց հավաքվել են տասնյակ մասնակիցներ և հարյուրավոր հյուրեր։ Ինչպիսի՞ն է ջազի դրությունը հիմա։
–Խորհրդային շրջանում Հայաստանում ջազը կարելի էր համեմատել հզոր լոկոմոտիվի հետ։ Տարեցտարի այն կորցրել է արագությունը, բայց կանգ չի առել։ Հիմա մենք փորձում ենք այդ լոկոմոտիվին նոր թափ հաղորդել։ Չէ՞ որ Հայաստանում հիմա էլ շատ են հիանալի տաղանդավոր երաժիշտները։
Խնդիրն այն է, որ ջազը գրեթե բացակայում է մեր հեռուստատեսությունից։ Քարոզչության պակասի պատճառով մենք լսարանի պակաս ունենք։
–Դուք ցանկանում եք ասել, որ ջազը Հայաստանում գովազդի կարի՞ք ունի։
Ցավոք սրտի, այո։ Նոր սերունդը սովոր չէ որակյալ երաժշտության։ Այսօր Հայաստանում գերիշխող ուղղությունը «ռաբիսն» է։ Բայց մենք աշխատում ենք և հույս ունենք, որ որոշ ժամանակ անց իրավիճակը կփոխվի։
