ԵՐԵՎԱՆ, 6 սեպտեմբերի– Sputnik. Հայաստանի և Չեխիայի թատերախմբերը կմասնակցեն Ակիմովի անվան «Վիվատ, կոմեդիա» միջազգային առաջին թատերական փառատոնին։
Ինչպես հաղորդում են կազմակերպիչները, Սանկտ Պետերբուրգում սեպտեմբերի 6–14–ն անցկացվող փառատոնի շրջանակում քաղաքի յոթ հայտնի թատերական հարթակներում ելույթ կունենան 11 կոլեկտիվներ։
Բեմադրությունների թվում կարելի է տեսնել Գրիգորի Գորինի «Ժանտախտը ձեր երկու տներում» բեմադրությունը` Մոսկվայի դրամատիկական թատրոնի դերասանների ներկայացմամբ` Արմեն Ջիգարխանյանի գլխավորությամբ։ Պերմի «Տեատրա–Տեատրա» ակադեմիական թատրոնը կներկայացնի Վասիլի Շկվարկինի պիեսի հիման վրա բեմադրված «Օտար երեխան» ներկայացումը, Մոսկվայի պետական ակադեմիական փոքր թատրոնը կներկայացնի Դոստոևսկու «Ստեպանչիկովո գյուղն ու նրա բնակիչները» ներկայացումը։
Փառատոնի շրջանակում կկազմակերպվի նաև «Կատակերգության դիմակի տակ» գիտագործնական համաժողովն ու «Ակիմովն ու Տովստոնոգովը. Պետերբուրգի թատերական լեգենդները» ցուցահանդեսը, որը նվիրված է երկու հայտնի թատերական վարպետների ստեղծագործական գործունեությանը։ Համաժողովը կտևի երեք օր, որոնց ընթացքում ելույթ կունենան հայտնի արվեստագետներ և թատերական գործիչներ։
Հայաստանը կմասնակցի Պետերբուրգի «Վիվատ, կոմեդիա» փառատոնին
© Sputnik / Владимир Вяткин
/ Բաժանորդագրվել
«Վիվատ, կոմեդիա» փառատոնը կոչված է համախմբել ամենակենսախինդ դրամատիկական բեմադրությունների երկրպագուներին ժամանակակից բեմում։ Քաղաքի թատերական հարթակներում ելույթ կունենան 11 կոլեկտիվներ