ԵՐԵՎԱՆ, 5 սեպտեմբերի– Sputnik. Եվրամիությունը Բելառուսի և Հայաստանի հետ պատրաստում է համաձայնագրերի նոր տարբերակ, որոնցով այդ երկրներն ու ԵՄ–ն շատ ավելի քիչ կապ կունենան, քան ասոցացման համաձայնագրերով, հայտարարել է ԵՄ–ում նախագահող Լյուքսեմբուրգի արտգործնախարար Ժան Ասելբորնը։
«Մենք փնտրում ենք մի համակարգ, որի դեպքում չքանդվեն բոլոր կամուրջները։ Հասկանում ենք, որ ասոցացման համաձայնագիրն անհնար է, բոլորս պատրաստ ենք գտնել ավելի դյուրին տարբերակ, ավել քիչ համառ և հիմնարար։ Այս երկու երկրների (Բելառուս և Հայաստան — խմբ.) հարցում բոլորը համաձայն են։ Դա ասոցացման համաձայնագիրը չէ, այն չի գործի։ Դա կլինի մեկ մակարդակով ցածր ինչ–որ բան, չեմ կարող ասել, թե ինչպես այն կկոչվի», – ասել է Ասելբորնը լրագրողներին ԵՄ անդամ երկրների ԱԳ նախարարների ոչ ֆորմալ հանդիպումից հետո, որի ընթացքում քննարկվել են «Արևելյան գործընկերության» երկրների և Ռուսաստանի հարաբերությունները։
Նա նշել է, որ «այդ համաձայնագրում մաքսային արտոնություններ չեն լինի»։
«Այնտեղ շատ բան կլինի, սակայն մենք դա դեռ նոր ենք մշակում», – հայտարարել է նախարարը` պատասխանելով նոր համաձայնագրի մասին ավելի մանրամասն պատմելու հարցին։
«Մենք առաջարկել ենք Հայաստանին, և նա դրական է պատասխանել։ Բելառուսում ևս դրական տեղաշարժ է նկատվում։ Եվրոպան չպետք է բաց թողնի այդ երկրի հարցում ստեղծված հնարավորությունը։ Պետք չէ մտածել ռեժիմի մասին, հարկավոր է մտածել բնակչության մասին», – հայտարարել է նախարարը։
«Արևելյան գործընկերության» ծրագրում ներառված են Ադրբեջանը, Հայաստանը, Բելառուսը, Վրաստանը, Մոլդովան և Ուկրաինան։ Վրաստանը, Ուկրաինան և Մոլդովան 2014 թ.–ի հունիսին ստորագրել են ԵՄ–ի հետ ազատ առևտրի գոտու և ասոցացման համաձայնագիրը։
Լյուքսեմբուրգ. ԵՄ–ն ավելի դյուրին համաձայնագրեր է պատրաստում Հայաստանի և Բելառուսի հետ
© Sputnik / Владимир Астапкович
/ Բաժանորդագրվել
Մենք հասկանում ենք, որ ասոցացման համաձայնագիրն անհնար է, բոլորս պատրաստ ենք գտնել ավելի դյուրին տարբերակ, ավել քիչ համառ և հիմնարար, հայտարարել է ԵՄ–ում նախագահող Լյուքսեմբուրգի արտգործնախարար Ժան Ասելբորնը
