ԵՐԵՎԱՆ, 4 սեպտեմբերի– Sputnik. Աստված չէ, բայց քայլում է ջրի վրայով. Շաոլինի վանականները հերթական անգամ ապացուցեցին, որ մարդկային մարմնի, ոգու և գիտակցության համար այս աշխարհում անհնար ոչինչ չկա։ Չինաստանում Շի Լիլիանգ անունով վանականը սահմանել է ջրի վրայով վազքի նոր համաշխարհային ռեկորդ։ Այսօրվա դրությամբ Շի Լիլիանգը քունգ ֆուի լավագույն ներկայացուցիչն է «թռիչք ջրի վրայով» տեխնիկայի առումով։ Անսովոր ակցիայի արդյունքում վանականը ջրի վրայով վազել է 125 մետր, հաղորդում է kulturologia.ru–ն։
Տեխնիկայի էությունը ջրի վրա շարված ոչ մեծ նրբատախտակների վրայով վազելն է։ Նվազագույն հպումից նրբատախտակն անցնում է ջրի տակ` նրա հետ միասին, ով ոտք է դնում է դրա վրա։
Ջրի վրայով անցնելու` Շի Լիլիանի առաջին փորձն արվել է դեռ 2009–ին, երբ վանականը հաղթահարել էր ընդամենը 18 մետր։ Հետո նա բարելավել է իր արդյունքը մինչև 28 մետր։ Համառ մարզումներից հետո 2015թ.–ի հունվարին Լիլիանգը վազել է 120 մետր։ Եվ հիմա արդեն քունգ ֆուի վարպետը գերազանցել է իր իսկ ռեկորդը` ավելացնելով ևս հինգ մետր։ Դա վանականին հաջողվում է շարժումների աներևակայելի արագության և հավասարակշռության հիանալի զգացողության շնորհիվ։
Թռիչք ջրի վրայով. Շաոլինի վանականը 125 մետր վազել է ջրի վրայով
11:00 04.09.2015 (Թարմացված է: 11:05 04.09.2015)
© Sputnik / Tevaprapas/Wikipedia
Բաժանորդագրվել
Նա կարողացել է ապացուցել, որ աշխարհում ամենալավն է տիրապետում քունգ ֆուի «թռիչք ջրի վրայով» տեխնիկային։ Պետք է նշել, որ այդ վազքով Շի Լիլիանգը գերազանցել է սեփական ռեկորդը
