Ականատեսի կադրերը. մարդիկ լքում են «Դոմոդեդովո» օդանավակայանը

Հինգշաբթի Մոսկվայի «Դոմոդեդովո» օդանավակայանի շենքի հարկաբաժիններից մեկում բռնկված հրդեհի պատճառով շուրջ 3 հազար մարդու դուրս են հանել օդանավակայանից, հայտնում է արտակարգ ծառայությունների աղբյուրը։

Մոսկվայի օդանավակայանում բռնկված հրդեհի մակերեսը կազմել է 15 քառակուսի մետր։

ՌԴ ԱԻՆ–ի տվյալների համաձայն, հրդեհը վերացնելու համար ներգրավվել է 17 մարտական հաշվարկ, ավելի քան 60 մարդ։

Դոմոդեդովոն ուղևորների փոխադրման ծավալով Ռուսաստանի և Արևելյան Եվրոպայի խոշորագույն օդանավակայաններից մեկն է։ Օդանավակայանից կանոնավոր չվերթեր է իրականացնում 86 ավիաընկերություն, որոնցից 42–ը` արտասահմանյան, 28–ը` ռուսաստանյան և 16-ը` ԱՊՀ երկրներից, հայտնում է Sputnik Ղրղըզստանը։