ԵՄ–ի մշտական ներկայացուցիչները կերկարացնեն ռուսների նկատմամբ սահմանված անհատական պատժամիջոցները

ԵՐԵՎԱՆ, 2 սեպտեմբերի — Sputnik. ԵՄ–ի անդամ երկրների մշտական ներկայացուցիչների կոմիտեն (Coreper) որոշել է մինչև 2016 թվականի մարտը երկարացնել Ռուսաստանի և Ուկրաինայի քաղաքացիների դեմ կիրառվող անհատական պատժամիջոցների գործողությունը։ Եվրամիությունը համարում է, որ այդ քաղաքացիները պատասխանատու են Ուկրաինայի տարածքային ամբողջականությունը և ինքնիշխանությունը խաթարելու համար, ասել է եվրոպացի դիվանագետը։

«Coreper–ը որոշել է երկարացնել պատժամիջոցները վեց ամսով։ Այժմ տեխնիկական խումբը տեխնիկական և օրենսդրական աշխատանք կանցկացնի, որ Խորհուրդը կարող էր մինչև սեպտեմբերի 15–ը վերջնական որոշում ընդունի»,– ասել է դիվանագետը, ով չի ցանկացել նշել իր անունը։

ԵՄ–ն չի փոխի Ռուսաստանի և Ուկրաինայի քաղաքացիների ու իրավաբանական անձանց դեմ սահմանված պատժամիջոցների ցուցակի կազմը, կբացառի միայն նրանց, ովքեր արդեն ողջ չեն, հայտնել է դիվանագետը։

ԵՄ–ն անհատական պատժամիջոցներ է սահմանել 2014 թվականի մարտին և բազմիցս ընդլայնել է ցուցակը, իսկ 2015 թվականի մարտին երկարացրել է քայլերի գործողությունները մինչև սեպտեմբերի 15–ը։ Այժմ պատժամիջոցների ցուցակում 150 մարդ է ընդգրկված, այդ թվում` ռուս պաշտոնյաներ և ԴԺՀ–ի ու ԼԺՀ–ի ներկայացուցիչներ, ինչպես նաև 37 իրավաբանական անձինք։