ԵՐԵՎԱՆ, 2 սեպտեմբերի — Sputnik. YouTube տեսահոսթինգը մտադիր է մինչև 2015 թվականի ավարտը վճարովի բաժանորդագրություն սահմանել։ Այս մասին հայտնում է The Verge ինտերնետ–պարբերականը։
Վճարովի ծառայությունը, նախևառաջ, ուղղված կլինի կոնտենտի առաջատար ստեղծողներին, ովքեր կկարողանան իրենց տեսանյութերը հասանելի դարձնել միայն վճարովի բաժանորդագրություն ձևակերպած օգտատերերի համար։ Բացի այդ, նրանք կկարողանան տոկոս ստանալ բաժանորդներից ստացվող միջոցներից։ Այսպիսով, հեղինակները կվաստակեն անմիջապես հեռուստադիտողից, ոչ թե գովազդից, գրում է պարբերականը։
Վճարում կատարած օգտատերերը կկարողանան ոչ միայն տեսանյութերը դիտել առանց գովազդի, այլ նաև տեսանյութերը դիտել առանց ինտերնետ միացման, նրանք կարող են այն կոնտենտի հասանելիություն ունենալ, որը փակ կլինի վճարովի բաժանորդագրություն չունեցող օգտատերերի համար, ասվում է հոդվածում։
Ավելի վաղ YouTube–ը գործարկել էր Music Key երաժշտական ծառայության բետա–տարբերակը, հիշեցնում է The Verge–ը։
YouTube–ի օգտատերերի թիվն այժմ գերազանցում է մեկ միլիարդը։
ԶԼՄ. YouTube–ը կարող է վճարովի դառնալ
19:49 02.09.2015 (Թարմացված է: 19:52 02.09.2015)
Բաժանորդագրվել
Վճարովի բաժանորդագրությունը, նախևառաջ, նախատեսված է խոշոր ընկերությունների համար։ Հեղինակները ցանկանում են վաստակել անմիջապես հեռուստադիտողից, ոչ թե գովազդից, հայտնում է The Verge–ը
