ԵՐԵՎԱՆ, 2 սեպտեմբերի – Sputnik. Ադրբեջանի առաջատար ինտերնետ պրովայդերը` «Ազերօնլայնը», ցանկանում է գնել Վրաստանի ամենախոշոր Caucasus Online ինտերնետ պրովայդերի 1200 կիլոմետրանոց օպտիկամանրաթելային մալուխը։ Այս մասին գրում է վրացական «Կվիրիս պալիտրա» թերթը` հղում անելով սեփական աղբյուրներին։
Caucasus Online-ն իր մալուխն անցկացրել է 2008թ.–ին և անցնում է Սև ծովի հատակով: Սա ինտերնետը Եվրոպայից Անդրկովկաս հասցնող ամենակարճ ճանապարհն է։ Մալուխն ապահովում է Հայաստանի ինտերնետի 85%-ը, Ադրբեջանի 50%-ը և Վրաստանի 55%-ը:
2013թ.-ի ապրիլին հայկական Ucom ընկերությունն ու վրացական Caucasus Online-ը պայմանագիր են կնքել, որի համաձայն՝ «Ucom» ընկերության մալուխների միջոցով Վրաստանից դեպի հարակից երկրներ կմատակարարվի 40 գիգաբայթ թողունակությամբ ինտերնետ։
Sputnik Արմենիա պորտալը փորձում է այս կապակցությամբ մեկնաբանություն ստանալ Ucom ընկերությունից։
«Հասկանալի է՝ ինչու է Ադրբեջանը շահագրգռված ձեռք բերել մալուխը, որի ամբողջական ծանրաբեռնվածության դեպքում մեծ եկամուտն ապահովված կլինի։ Բացի այդ, Հայաստանի ինտերնետի 85%-ը կախված կլինի Ադրբեջանից, որը կկարողանա վերահսկել տեղեկատվության ծավալը»,-հավելում է Dalma news գործակալությունը:
Ըստ bizzone.info-ի, «Ազերօնլայն»-ի սեփականատերը Ադրբեջանի նախագահ Իլհամ Ալիևի ընտանիքն է, հետևաբար մալուխը գնելն ունի հստակ քաղաքական դրդապատճառներ։
ԶԼՄ. Հայաստանի ինտերնետի 85%-ը կարող է կախված լինել Ադրբեջանից
19:26 02.09.2015 (Թարմացված է: 19:34 02.09.2015)
Բաժանորդագրվել
Մալուխն ապահովում է Հայաստանի ինտերնետի 85%-ը, Ադրբեջանի 50%-ը և Վրաստանի 55%-ը
