ԵՐԵՎԱՆ, 2 օգոստոսի — Sputnik. Սիրիայի Լաթաքիա քաղաքի Էլ Համամ հրապարակում պայթյուն է որոտացել, յոթ մարդ զոհվել է, ավելի քան 40–ը` վիրավորվել, հայտնում է Sham FM տեղական ռադիոկայանը։
Նախնական տվյալով` պայթել է հրապարակից ոչ հեռու կայանած ավտոմեքենան, որի մեջ պայթուցիկ է եղել։ Դեպքի պատասխանատվությունը չի ստանձնել դեռ ոչ մի խմբավորում։
Լաթաքիա քաղաքը Միջերկրական ծովի գլխավոր սիրիական նավահանգիստն է, գտնվում է երկրի արևմուտքում։
Սիրիայում 2011 թվականից շարունակվում է զինված հակամարտությունը, որի հետևանքով զոհվել է ավելի քան 220 հազար մարդ։ Կառավարության զորքերին դիմակայում են զինված միավորումներին պատկանող գրոհայինների ջոկատները։ Առավել ակտիվ են «Իսլամական պետություն» և «Ջեբհաթ ալ Նուսրա» ծայրահեղական խմբավորումների գրոհայինները։
Սիրիայի Լաթաքիա քաղաքում որոտացած պայթյունը յոթ մարդու կյանք է խլել
Բաժանորդագրվել
Քաղաքային հրապարակի մոտակայքում մեքենա է պայթել, ավելի քան 40 մարդ վնասվածքներ է ստացել։ Առայժմ ոչ մի խմբավորում իր վրա չի վերցրել ահաբեկչական գործողության պատասխանատվությունը
