Հայտնի է դարձել ամենանյարդային աշխատանքը

ԵՐԵՎԱՆ, 2 սեպտեմբերի– Sputnik. Կոլումբիական համալսարանին առընթեր Միլմենի հասարակական առողջության կենտրոնի մասնագետները նկատել են, որ ամենաբարդ և նյարդային աշխատանքը կատարում են միջին օղակի մենեջերները։ Ի տարբերություն շարքային աշխատողների և թոփ–մենեջերների` նրանք ավելի հաճախ են դեպրեսիա և տագնապի զգացում ունենում։

Բժիշկների հետևությունները հիմնված են նրանց անցկացրած փորձի վրա։ Մեկ տարվա ընթացքում նրանք հետևել են 22 հազար կամավորների առողջական վիճակի փոփոխություններին, որոնցից յուրաքանչյուրը 18 տարեկանից բարձր է և աշխատել է ամբողջ օրը։ Բոլոր մասնակիցներին բաժանել են երեք խմբերի։ Առաջինի մեջ մտել են ձեռներեցներ և թոփ–մենեջերներ, երկրորդի մեջ` բաժինների մենեջերներ, իսկ երրորդի մեջ` շարքային աշխատողներ։

Պարզվել է, որ միջին օղակի մենեջերների և ղեկավարների 18 տոկոսի մոտ առկա են դեպրեսիայի ախտանիշեր։ Շարքային աշխատողների շարքում նման ցուցանիշը կազմել է 12 տոկոս, իսկ սեփական բիզնեսի ղեկավարների և սեփականատերերի մոտ` 11 տոկոս։ Գիտնականների կարծիքով` նման բաշխումը պայմանավորված է նրանով, որ միջին օղակի ներկայացուցիչները մյուսներից շատ են պատասխանատվություն զգում իրեն աշխատանքի համար և հաճախ բախվում են կոնֆլիկտային իրավիճակների հետ։

Մենեջերները ստիպված են լինում կատարել կապող օղակի դեր և աշխատողներին հասցնել ղեկավարության ընդունած որոշումները։ Միաժամանակ շարքային աշխատողները հաճախ անհամաձայնություն են հայտնում նման դրույթների հետ, և մենեջերները պարտավոր են հարթել տարաձայնությունները, որոնք ծագում են երկու կողմերից։ Վաղ թե ուշ այդ ամենը հանգեցնում է ուժեղ սթրեսների, ինչը կարող է հանգեցնել նյարդային խանգարումների։

Ավելի վաղ Մոնրեալի համալսարանի գիտնականները նկատել են, որ պրոֆեսիոնալ սպառման հանգեցնում է աշխատանքի տանող երկար ճանապարհը։