Հայաստանը Մինսկում կմասնակցի ԱՊՀ երկրների ՆԳՆ ղեկավարների խորհրդի նիստին

ԵՐԵՎԱՆ, 2 սեպտեմբերի– Sputnik. Հայաստանը կմասնակցի ԱՊՀ անդամ երկրների ներքին գործերի նախարարների խորհրդի նիստին, որը տեղի կունենա չորեքշաբթի Մինսկում, ասվում է ԱՊՀ գործադիր կոմիտեի հաղորդագրությունում։

Այդ նիստին չեն մասնակցի Ուկրաինայի ներկայացուցիչներы. Բելառուսի ՆԳՆ կայքում հաղորդվում է, որ միջոցառմանը կմասնակցեն Հայաստանի, Ադրբեջանի, Ղազախստանի, Ղրղըզստանի, Մոլդովայի, Ռուսաստանի, Տաջիկստանի և Ուզբեկստանի, ինչպես նաև ԱՊՀ գործադիր կոմիտեի, ԱՊՀ անդամ երկրների տարածքում կազմակերված հանցավորության և հանցագործությունների այլ տեսակների դեմ համակարգված պայքարի բյուրոյի, Բելառուսի պետական մարմինների ներկայացուցիչներ։

Խորհրդի անդամները կքննարկեն ԱՊՀ երկրների ներքին գործերի նախարարությունների համագործակցության գերակա հարցերը և հանցավորության դեմ պայքարի միջպետական ծրագրերի իրականացման ընթացքը։

Նախատեսվում է դիտարկել տեղեկատվական տեխնոլոգիաների ոլորտում հանցավորության դեմ ԱՊՀ երկրների պայքարի հարցում համագործակցության մասին փաստաթղթերի նախագծերը, նախանշել ավտոտրանսպորտային միջոցներ հափշտակելու հակազդեցության ոլորտում ներքին գործերի մարմիրնների փոխազդեցության կատարելագործման միջոցները, հաստատել ԱՊՀ տարածքում կազմակերպված հանցավորության և այլ վտանգավոր հանցագործությունների դեմ պայքարի համակարգման բյուրոյի տվյալների մասնագիտացված բանկի գործունեության կարգը։

Կքննարկվեն նաև սպորտային թիմերի երկրպագուների ոչ պաշտոնական միավորման անդամների կողմից հակաիրավական գործողությունների կանխարգելման (այդ թվում` միջազգային զանգվածային և տեսարժան միջոցառումների անցկացման շրջանում), հոգեմետ դեղերի և թմրամիջոցների շրջանառության դեմ պայքարի ոլորտում համագործակցության հարցերով ներքին գործերի մարմինների տեղեկատվական փոխանակության զարգացման հարցերը։

Միջոցառման շրջանակում նախատեսվում է Բելառուսի վարչապետ Անդրեյ Կոբյակովի և խորհրդի անդամների հանդիպումը, ինչպես նաև ՆԳՆ ղեկավարների մի շարք երկկողմ հանդիպումների անցկացումը։