«Սոյուզ–ՖԳ» հրթիռն արձակվել է Բայկոնուրից դեպի Միջազգային տիեզերական կայան

ԵՐԵՎԱՆ, 2 սեպտեմբերի–Sputnik. «Սոյուզ–ՖԳ» հրթիռակիրը` «Սոյուզ ՏՄԱ–18Մ» տիեզենավով, արձակվել է Բայկոնուր տիեզերական թռիչքների կայանի «Գագարինի ստարտից»։

«Հրթիռակիրն արձակվել է Մոսկվայի ժամանակով ժամը 07։32–ին», – հայտարարել է Բայկոնուրի արձակման մեկնաբանը։

ՄՏԿ է թռչում նոր անձնակազմը, որի կազմում ներառված են տիեզերագնաց Սերգեյ Վոլկովը (Ռոսկոսմոս), Ղազախստանի տիեզերագնաց Այդին Աիմբետովն ու Եվրոպական տիեզերական գործակալության օդագնաց Անդրեաս Մոհենսենը։

ՄՏԿ–ում «Սոյուզ ՄՏԱ–18Մ»–ի թռիչքի տևողությունը կկազմի ոչ թե վեց ժամ, ինչպես նախատեսվում էր ավելի վաղ, այլ` երկու օր։ Ինչպես նշում է Ռոսկոսմոսը, այդ որոշումը պայմանավորված է նրանով, որ այն առավել անվտանգ և հուսալի է։ Կայանի հետ տիեզերանավի ծայրակցումը սեպտեմբերի 2–ից տեղափոխվել է սեպտեմբերի 4։