ԵՐԵՎԱՆ, 2 սեպտեմբերի–Sputnik. Ամեն ինչ սկսվեց այն բանից, որ «Ո′չ թալանին» քաղաքացիական շարժումը, որն արդեն երկար ժամանակ պայքարում է էլեկտրաէներգիայի սակագների թանկացման դեմ, նախօրեին կազմակերպեց բողոքի հերթական ակցիան։
Այս անգամ ակտիվիստներն ու նրանց համախոհները հավաքվեցին… Սիրահարների այգում։ Թվում է, թե ռոմանտիկ միջավայրը պետք է ազդեր, որ ակցիան անցներ քիչ թե շատ խաղաղ` հասարակ քննարկումների և կոնկրետ պահանջների ներկայացման մակարդակում։
#ElectricYerevan–ի վերակենդանացման փորձերը
Ակցիայի ընթացքում շարժման առաջնորդ Մաքսիմ Սարգսյանն ու նրա համախոհները եկան այն եզրակացության, որ հարկավոր է շարժվել դեպի ՀՀ նախագահ Սերժ Սարգսյանի նստավայր, քանի որ այն գտնվում է Սիրահարների այգու մոտակայքում։
![Движение Нет грабежу пыталось перекрыть улицу Баграмяна Движение Нет грабежу пыталось перекрыть улицу Баграмяна - Sputnik Արմենիա](https://cdn.am.sputniknews.ru/img/53/60/536001_0:0:1600:1065_600x0_80_0_0_4ed86befb0f25bec030b86fe6e432aed.jpg)
Սակայն այս որոշումը ոչ մի լավ բանի չհանգեցրեց։ Ակցիայի մասնակիցները (մոտ 100 մարդ), ոստիկանության ուղեկցությամբ, շարժվեցին դեպի Բաղրամյան 26, որտեղ գտնվում է ՀՀ նախագահի նստավայրը` էլեկտրաէներգիայի թանկացման հարցում ունեցող իրենց դժգոհությունը նախագահին ներկայացնելու համար։ Մասնավորապես, ակտիվիստները դժգոհություն էին հայտնում, որ կառավարությունը չի կատարում կամ ամբողջությամբ չի կատարում իր խոստումը, որը վերաբերում է էլեկտրաէներգիայի բարձր սակագների փոխհատուցմանը։
Նրանք ջանում էին
Իրենց ասելիքը ներկայացնելուց հետո ակտիվիստները որոշեցին հիշել հին ու բարի ժամանակները և փակել Երևանի գլխավոր տրանսպորտային հանգույցներից մեկը` Բաղրամյան պողոտան։ Մի քանի տասնյակ մարդիկ, որոնց թվում էին նաև «Ո′չ թալանին» շարժման առաջնորդները, սկսեցին մեկը մյուսի հետևից վազել դեպի պողոտայի երթևեկելի հատված։
![Движение Нет грабежу пыталось перекрыть улицу Баграмяна Движение Нет грабежу пыталось перекрыть улицу Баграмяна - Sputnik Արմենիա](https://cdn.am.sputniknews.ru/img/53/61/536145_0:0:1600:1181_600x0_80_0_0_f4e3493787a0fbc774dd8e01b3f30c88.jpg)
Սակայն ոստիկանների սրատես աչքից չկարողացավ վրիպել ոչ մի ակտիվիստ։ Իրավապահները ճանապարհից հեռացնում էին ցուցարարներին` սեպտեմբերի 1–ի կապակցությամբ առանց այդ էլ ծանրաբեռնված երթևեկությանը չխանգարելու համար։
Սակայն, չնայած ոստիկանների ջանքերին, ցուցարարներից ոմանց հաջողվեց անցնել փողոցն ու մոտենալ նախագահի նստավայրին` կոչ անելով համախոհներին հավաքվել Բաղրամյան պողոտայի այդ մասում։ Սակայն ոստիկանները շրջապատեցին մուտքը։
Այդ ընթացքում քաղաքացիներից մեկի ինքնազգացողությունը վատացավ։ Մոտեցավ շտապօգնության մեքենան և ցուցաբերեց առաջին բուժօգնություն։
«Ակտիվ» ոստիկանություն
Երեկոյան շարժման մի քանի մասնակիցներ տեղափոխվեցին ոստիկանական բաժանմունքներ։ Նրանց թվում էին Մաքսիմ Սարգսյանը, Արտուշ Չիբուխչյանը, Հովհաննես Ղազարյանը և ուրիշներ։
![Полиция контролируeт участников движения Нет грабежу на улице Баграмяна Полиция контролируeт участников движения Нет грабежу на улице Баграмяна - Sputnik Արմենիա](https://cdn.am.sputniknews.ru/img/53/62/536229_0:0:1600:1285_600x0_80_0_0_fd08ead8e60551aea4a2c53d06a41933.jpg)
Ավելի ուշ Երևանի փոխոստիկանապետ Վալերի Օսիպյանը, ով խոստացել էր ազատ արձակել ձերբակալված բոլոր ակտիվիստներին, կատարեց իր խոստումը։
Շարժման առաջնորդները չեն բացառում ամռան կեսին տեղի ունեցած բողոքի մասշտաբային ակցիայի կրկնություն և կոչ են անում իրենց համախոհներին` սեպտեմբերի 11–ին հավաքվել Ազատության հրապարակում։