ԵՐԵՎԱՆ, 1 սեպտեմբերի – Sputnik. Երևանի փոխոստիկանապետ Վալերի Օսիպյանը խոստացել է մոտ կես ժամից ազատ արձակել «Ոչ թալանին» էլեկտրաէներգիայի թանկացման դեմ շարժման ակտիվիստներին, որոնք ձերբակալվել էին երեքշաբթի։
Միաժամանակ Օսիպյանը կոչ է արել շարժման նախաձեռնողներին` չխախտել հասարակական կարգը։
Դեռևս հայտնի չէ ոստիկանական բաժանմունք տեղափոխվածների հստակ թիվը։
«Ոչ թալանին» նախաձեռնությունը ակցիա է անցկացնում` պահանջելով չեղյալ հայտարարել էլեկտրաէներգիայի սակագնի բարձրացման որոշումը։ Նախաձեռնության մասնակիցների կարծիքով` այսօրվա միջոցառմամբ վերսկսվում են բողոքի ակցիաները, որոնք դադարեցվել էին հուլիսին։
Հանրային ծառայությունները կարգավորող հանձնաժողովը հունիսի 17–ին հայտարարեց էլեկտրաէներգիայի սականգի բարձրացման մասին, որի համաձայն` օգոստոսի 1–ին սակագինը 1 կՎտ/ժ–ի դիմաց կավելանա 6,93 դրամով (մոտ 16,7 տոկոս)։ Ընդ որում, ՀԷՑ–ը ՀԾԿՀ–ին ներկայացրած հայտի մեջ առաջարկում էր սակագինը բարձրացնել 40,8 տոկոսով։
ՀԾԿՀ–ի նման որոշումը բողոքի և վրդովմունքի ալիք բարձրացրեց բնակչության շրջանում, որը վերածվեց մասշտաբային բողոքի ակցիայի` «Ոչ թալանին» քաղաքացիական նախաձեռնության համակարգողների ղեկավարությամբ։ Ակցիայի հետևանքով գրեթե երկու շաբաթ փակվել էր Բաղրամյան պողոտան։ Միայն հուլիսի 6–ի առավոտյան ոստիկանությունն ազատեց պողոտան ցուցարարներից և վերականգնեց տրանսպորտի երթևեկությունը։
Երևանի փոխոստիկանապետը խոստացել է մոտ կես ժամից ազատ արձակել ձերբալակված բոլոր ակտիվիստներին
20:44 01.09.2015 (Թարմացված է: 20:45 01.09.2015)
© Sputnik / Ani Liparityan
Բաժանորդագրվել
Միաժամանակ Օսիպյանը կոչ է արել շարժման նախաձեռնողներին` չխախտել հասարակական կարգը
