ՀՀ–ում Ռուսաստանի արտակարգ և լիազոր դեսպան Իվան Վոլինկինը լրագրողներին է ներկայացրել Վրաստանում օգոստոսի վերջին ՆԱՏՕ–ի ուսումնական կենտրոնի բացման, շփման գծում տիրող լարվածության և ՀՀ–ում իրականացվող սահմանադրական բարեփոխումների հարցում ունեցած իր դիրքորոշումը
– Ինչպե՞ս եք վերաբերվում Վրաստանում ՆԱՏՕ–ի բազայի բացմանը
– Օգոստոի վերջին Վրաստանում ՆԱՏՕ–ի ուսումնական կենտրոնի բացումը չպետք է մտահոգի Հայաստանին։
Խոսքը ոչ թե բազաների, այլ ուսումնական կենտրոնի մասին է։ Բազան ամբողջովին այլ բան է։ Իհարկե, չէի ցանկանա, որպեսզի որևէ բազա լիներ։ Սակայն դա վրացի ժողովրդի ընտրությունն է։
– Արդյո՞ք կենտրոնի բացումը կարելի է դիտարկել որպես ՆԱՏՕ–ի ընդլայնում տարածաշրջանում։
– Ցանկացած նոր կառույցի հայտնվելն արդեն արտառոց երևույթ է, որն ինչ–որ կերպ կարող է փոխել իրավիճակը։
– Ինչպե՞ս դա կազդի Հայաստանի վրա։
– Մի վախեցեք, Հայաստանի համար ամեն դեպքում ամեն ինչ լավ է լինելու։ Հայաստանը վստահելի դաշնակից ունի։
– Ձեր կարծիքով` ինչո՞վ է պայմանավորված Ադրբեջանի հետ սահմանին լարվածության ավելացումը։
– Դա պարբերաբար տեղի է ունենում շփման գծում։ Այստեղ ոչ մի օրինաչափություն չեմ տեսնում և չեմ կապում ներկա սրումը որևէ իրադարձության հետ։
– Ինչպե՞ս կմեկնաբանեք Հայաստանի սահմանադրության բարեփոխման գործընթացը։
– Սահմանադրական բարեփոխումները Հայաստանի ներքին գործն է։ Ինչպես կորոշի հայ ժողովրդն, այդպես էլ կլինի։
Ռուսաստանի դեսպան Վոլինկին. Հայաստանի համար ամեն ինչ լավ կլինի
© Sputnik / Асатур Есаянц
Բաժանորդագրվել
Հայաստանի համար ամեն դեպքում ամեն ինչ լավ է լինելու։ Հայաստանն ունի վստահելի դաշնակից, ասաց ՀՀ–ում ՌԴ արտակարգ և լիազոր դեսպան Իվան Վոլինկինը
