ԵՐԵՎԱՆ, 1 սեպտեմբերի– Sputnik. Հայ–ադրբեջանականյ սահմանին իրավիճակը լարված է, սակայն հայ զինվորները լավ պատրաստված են և տոկուն են ոգով` հայրենիքի սահմանները լավագույնս պաշտպանելու համար, երեքշաբթի լրագրողներին ասաց կինոռեժիսոր, սցենարիստ, «Օժանդակ օգնություն սահմանապահներին» բարեգործական նախաձեռնության հեղինակ Արշակ Զաքարյանը, ով վերջին տարիներին բավականին հաճախ և ակտիվորեն այցելում է հայկական սահմանամերձ մարտական դիրքեր։
Մարտական ոգի
Կինոռեժիսորի խոսքով` բանակը երեխայի պես է, որին անհրաժեշտ է սիրել իր բոլոր դրական կողմերով, թերություններով և խնդիրներով, որոնք անհրաժեշտ է լուծել ներքին կարգով` չհանելով հասարակության դատին։
«Ուզում եմ նշել, որ վերջին տարիներին լուրջ ներքին աշխատանք է իրականացվել, որի արդյունքում հայկական բանակի ոգին զգալիորեն բարձրացել է։ Այս միտումը նկատելի է ոչ միայն բարձրագույն սպայական կազմի, այլ նաև շարքային նորակոչիկների շրջանում, որոնց աչքերում վառվում է վստահության և խիզախության իսկական կրակ», – ասաց Զաքարյանը։
Նրա խոսքով` երիտասարդները բանակ են գնում արդեն պատրաստված, այդ թվումч նաև նորակոչիկների հետ անցկացվող մեթոդաբանական և հետևողական աշխատանքի արդյունքում, ինչի մասին վկայում է սահմանին կանգնած 18–19 տարեկան տղաների վստահությունն ու խիզախությունը։
Զաքարյանը նշեց, որ հայ զինվորների վստահությունն ու պատրաստվածությունն արդեն խուճապ է առաջացնում հակառակորդի մոտ, որն աստիճանաբար հրաժարվում է դիվերսիոն փորձերից, որոնց ընթացքում կրում է զգալի կորուստներ` անցնելով իր համար ավելի անվտանգ ականանետային հրաձգության։
Կինոռեժիսորի կարծիքով` ադրբեջանական բանակի նման դիրքորոշումը վկայում է այն մասին, որ նա պատրաստ չէ լայնամասշտաբ մարտական գործողությունների և փորձում է միայն ազդել ղարաբաղյան հակամարտության կարգավորման շուրջ ընթացող բանակցությունների վրա, քանի որ ակտիվացում տեղի է ունենում հենց բարձր մակարդակում նախատեսված հանդիպումների նախաշեմին։
«Սակայն նրանք պետք է հասկանաн, որ ոչ նախագահը, ոչ վարչապետը, ոչ ոք հայկական պետության տարածքում չի տա ոչ մի թիզ հողը, որը պաշտպանում են», – ասաց Զաքարյանը։
Հողն ուժեղ է իր բնակիչներով
Միաժամանակ կինոռեժիսորը կարծում է, որ հողի պաշտպանության լավագույն օրինակը դրա բնակեցումն է, այդ թվում` Սիրիայից տեղափոխված հայերով, որոնց կցուցաբերվի աջակցություն հայկական սփյուռքի ներկայացուցիչների կողմից։
«Մենք վերաբնակիչների ադապտացման ծրագիր ենք մշակել, որի շրջանակում նրանց կտրամադրվի ոչ միայն բնակարան և հողատարածք, այլ նաև հնարավորություն` մեկ տարվա ընթացքում աջակցություն ստանալ սփյուռքահայերից մեկի կողմից` առօրյա կյանքը կարգավորելու համար», – ասաց Զաքարյանը։
Ինչպես նշում է կինոռեժիսորը, այդ յուրօրինակ ամսական նպաստն օգնում է վերաբնակիչներին` ոտքի կանգնել, դասավորել կյանքը նոր բնակավայրում մինչև աշխատանք գտնելն ու հող մշակելը։
Գաջեթներ` սահմանը պաշտպանելու համար
«Օժանդակ օգնություն սահմանապահներին» բարեգործական նախաձեռնության շրջանակում, որին կարող է մասնակցել ցանկացած ոք, հայկական բանակին արդեն մոտ 25 հազար դոլարի աջակցություն է ցուցաբերվել։
«Դրանք հիմնականում հեռադիտակներ և գաջեթներ են, որոնք օգնում են զինվորներին կրել ամենօրյա ծառայություն, ինչպես նաև ուրախ դարձնել ժամանցը», ասաց Զաքարյանը։
Ակցիային կարող է միանալ ցանկացած մարդ, ով ցանկանում է փոխանցել իր հեռադիտակը, հատուկ գիշերային լապտերը, ցանկացած գաջեթը, որը կարող է պետք գալ զինվորներին ծառայության ժամանակ։
Կինոն կոփում է մարտական ոգին
Իր բոլոր նախաձեռնությունների հետ մեկտեղ, Զաքարյանը չի մոռանում նաև իր հիմնական մասնագիտությունը` կինոռեժիսուրան։
Վերջին մի քանի տարում նա նկարահանել է վավերագրական մի շարք ֆիլմեր, որոնք ուղղված են հայրենասիրական ոգու բարձրացմանը։ Դրանք են` «Կինը» հայրենասիրական ֆիլմը, ինչպես նաև բանակում ինքնասպանության կանխմանն ուղղված «Անպետքը» ֆիլմը և «Բոյկոտ» ֆիլմը, որը պատմում թուրքական արտադրության ապրանքների մասին։
Այս պահին Զաքարյանն ավարտում է «Ոգի» ռազմահայրենասիրական բնույթի ֆիլմի աշխատանքը։
Կինոռեժիսոր. թշնամին քնած չէ, սակայն հայ մարտիկը ևս արթուն է
© Photo : press office of the MoD of RAармия оборона Карабах граница военнослужащий НКР
![армия оборона Карабах граница военнослужащий НКР армия оборона Карабах граница военнослужащий НКР - Sputnik Արմենիա](https://cdn.am.sputniknews.ru/img/16/07/160732_0:0:1024:577_600x0_80_0_0_bcb8bd71382b3fc83f5d73bc83aaabab.jpg)
© Photo : press office of the MoD of RA
Բաժանորդագրվել
«Օժանդակ օգնություն սահմանապահներին» բարեգործական նախաձեռնության հեղինակ Արշակ Զաքարյանը վերջին տարիներին բավականին հաճախ և ակտիվորեն այցելում է հայկական սահմանամերձ մարտական դիրքեր