ԵՐԵՎԱՆ, 1 սեպտեմբերի–Sputnik. Rambler&Co մեդիա հոլդինգի գործադիր տնօրեն է նշանակվել Ռաֆայել Աբրահամյանը։
Ինչպես հայտնել է Rambler-co.ru-ն, Աբրահամյանը պատասխանատու է լինելու ընկերության օպերացիոն և ռազմավարական զարգացման համար՝ կենտրոնանալով հատկապես նոր նախագծերի արդյունավետ և արագ մեկնարկի վրա:
«Վերջին երկու տարիների ընթացքում ես բավական մեծ ներգրավվածություն եմ ունեցել Rambler&Co ընկերությունների խմբի բիզնեսում՝ որպես ղեկավարող ընկերության ներկայացուցիչ և տնօրենների խորհրդի անդամ: Օպերացիոն կառավարման անցնելն ինձ համար հետաքրքիր մարտահրավեր է, բայց միաժամանակ տրամաբանական հաջորդ քայլ», – նշել է Ռաֆայել Աբրահամյանը:
Նրա խոսքով` ընկերությունն ունի հավակնոտ նպատակներ, և ինքն ուրախ կլինի առավելագույն ջանքեր գործադրել դրանց իրականացման համար, հատկապես, որ իրեն օգնելու են ընկերության աշխատակիցները, որոնք ապացուցել են նույնիսկ այսօրվա անհանգիստ շուկայի պայմաններում հաջողության հասնելու իրենց կարողությունը։
2012թ. Ռաֆայել Աբրահամյանը տնօրինել է A&NN խմբի տեխնոլոգիական և ինտերնետային ակտիվները: Հենց այդ հիմնադրամն է ղեկավարում ձեռնարկատեր Ալեքսանդր Մամուտի բոլոր ակտիվները՝ մասնակցելով СУП Медиа և Рамблер-Афиша հոլդինգների միաձուլման գործարքին, ինչի արդյունքում էլ ձևավորվել է Rambler&Co ընկերությունների խումբը:
Ռաֆայել Աբրահամյանն ավարտել է Մ.Վ. Լոմոնոսովի անվան Մոսկվայի պետական համալսարանը, ունի ՌԴ Ֆինանսական ակադեմիայի տնտեսագիտության, ինչպես նաև HEC Paris բիզնես դպրոցի Master of Science in Finance-ի մագիստրոսի աստիճան:
Ռաֆայել Աբրահամյանը նշանակվել է Rambler&Co մեդիա հոլդինգի գործադիր տնօրեն
18:31 01.09.2015 (Թարմացված է: 19:03 01.09.2015)
© Rambler&Co
Բաժանորդագրվել
2012թ. Ռաֆայել Աբրահամյանը տնօրինել է A&NN խմբի տեխնոլոգիական և ինտերնետային ակտիվները:
