Լավրով. Կիևի անկարգությունների հետևում, ամենայն հավանականությամբ, «Ազատությունն» է կանգնած

ԵՐԵՎԱՆ, 1 սեպտեմբերի  — Sputnik. ՌԴ ԱԳՆ ղեկավար Սերգեյ Լավրովը մեկնաբանել է նախօրեին Կիևում Գերագույն ռադայի կողքին կատարված բախումները և նշել, որ ամենայն հավանականությամբ հենց «Ազատություն» կուսակցությունն է,  ի դեմս իր ակտիվիստներից մեկի, պատասխանատու Ազգային գվարդիայի մարտիկներին սպանելու և վիրավորելու համար։

Լավրովը հիշեցրել է, որ կուսակցությունը մտել է «հաղթողների» կառավարություն, որը ստեղծվել է Ուկրաինայի պետական հեղաշրջումից հետո։ ՌԴ ԱԳՆ ղեկավարը, ելույթ ունենալով ՄՄՀՊԻ–ի ուսանողների և դասախոսական կազմի առջև, «երկու խոսքով» հիշեցրել է Ուկրաինայում իշխանության զավթման ընթացքը` «2013 թվականի վերջի ներքաղաքական ճգնաժամը», «Մայդանը», ցույցերը, բախումները, բոլոր կողմերից այդ բախումները դադարեցնելու կոչերը, նախագահի և ընդդիմության միջև պայմանավորվածությունը, որը, այդ թվում, ստորագրել են եվրոպական երեք պետությունների արտաքին գործերի նախարարները, առավոտյան ձախողվել է»։

«Ազգային միաբանության կառավարության մասին պայմանավորվածության փոխարեն հայտարարվել է հաղթողների կառավարության ստեղծման մասին, ներառյալ այն նույն (Օլեգ) Տյագնիբոկին, ով ղեկավարում է «Ազատություն» կուսակցությունը, որը եվրոպացիները չէին ընդունում, սակայն համակերպվեցին այն մտքին, որ այն ընդգրկվել է ուկրաինական նոր իշխանության կազմում։ Եվ որը երեկ, իր ակտիվ անդամի ձեռքով, դատելով ամենից, մարդ է սպանել և շատերին վիրավորել է»,– ասել է նախարարը։

Ուկրաինայի խորհրդարանը նախագահ Պյոտր Պորոշենկոյի առաջարկությամբ երկուշաբթի առաջին ընթերցմամբ ընդունել է երկրի սահմանադրության փոփոխությունների նախագիծն ապակենտրոնացման մասով։ Փաստաթղթի ընդունումը վրդովմունք է առաջացրել մի շարք պատգամավորների շրջանում։ Քվեարկությունից հետո Ռադայի մոտ անկարգություններ են սկսվել։ Զինծառայողներից մեկը մահացել է հիվանդանոցում։

ՆԳՆ ղեկավար Արսեն Ավակովը կատարված անկարգությունների համար մեղադրել է «Ազատություն» կուսակցությունը։