ԵՐԵՎԱՆ, 1 օգոստոսի – Sputnik. Երգչուհի, պարուհի և Pole Dancing-ի աշխարհի չեմպիոն Վարդան (Վարդանուշ Մարտիրոսյան) բարեգործական շոու է անցկացրել Երևանում, և որոշել է ողջ հասույթն ուղղել Հայաստանի մանկատներում գտնվող երկու երեխաների վիրահատությանը։
«Ես ուրախ եմ, որ հնարավորություն ունեմ օգնելու կոնկրետ երեխաների։ Հուսով եմ, որ դա բարի ավանդույթ կդառնա այլ արտիստների համար։ Եթե Հայաստանում յուրաքանչյուր արտիստ նման նախագիծ իրականացնի, կարծում եմ, որ Հայաստանում օգնության կարիք ունեցող երեխաներ չեն լինի»,– ասաց Վարդան։
Վարդան սկսել է ելույթ ունենալ կրկեսային ստուդիայում 7 տարեկանից։ Երգել է «Արծաթե զանգակ» համույթում և հանդես եկել «Առլեկին» թատերական ստուդիայում։ 2009թ.–ին դարձել է Pole Dancing–ի աշխարհի չեմպիոն։
Ֆոտոշարքը կարող եք դիտել այստեղ:-0-
