ԵՐԵՎԱՆ, 1 սեպտեմբերի – Sputnik. Հայաստանի քաղաքացիները կկարողանան առանց վիզայի Բրազիլիա մեկնել: Այս մասին որոշումն ընդունվել է ՀՀ կառավարության օգոստոսի 31-ի նիստում:
ԱԳ նախարար Էդվարդ Նալբանդյանը նշել է, որ որոշումն ընդունվել է փոխադարձ կարգով. այսինքն՝ առանց վիզայի Հայաստան կարող են այցելել նաև Բրազիլիայի քաղաքացիները:
«Կարգավորման նպատակն է այդ քաղաքացիների համար փոխադարձության սկզբունքի հիման վրա սահմանել առանց մուտքի արտոնագրի ռեժիմ` ՀՀ տարածք մուտք գործելու օրվանից 90 օրը չգերազանցող ժամանակահատվածով, որը հնարավոր է երկարաձգել 90 օրով», – նշված է կառավարության կայքում։
Հայաստանն արդեն առանց վիզայի ռեժիմ ունի լատինաամերիկյան երկու այլ պետության՝ Արգենտինայի և Ուրուգվայի հետ, որտեղ բնակվում են Հարավային Ամերիկայի խոշորագույն հայ համայնքները:
Հայաստանի քաղաքացիները կկարողանան Բրազիլիա մեկնել առանց վիզայի
© Sputnik / Asatur Yesayants
Բաժանորդագրվել
Որոշումն ընդունվել է փոխադարձ կարգով. այսինքն՝ առանց վիզայի Հայաստան կարող են այցելել նաև Բրազիլիայի քաղաքացիները
