Հարցում. Իրանի նկատմամբ պատժամիջոցների վերացումը դրական ազդեցություն կունենա Հայաստանի վրա

ԵՐԵՎԱՆ, 31 օգոստոսի – Sputnik. Sputnik Արմենիա կայքի անցկացրած հարցախույզի արդյունքում պարզվել է, որ մասնակիցների մեծ մասի կարծիքով` Իրանի նկատմամբ կիրառվող պատժամիջոցների վերացումը դրական կազդի Հայաստանի տնտեսության վրա։ Դա են վկայում «Sputnik Արմենիա» պորտալի անցկացրած հարցման արդյունքները։

Հարցման արդյունքների համաձայն`հարցվածների 53,8%–կարծում է, որ Իրանի պատժամիջոցների վերացումը դրական կազդի Հայաստանի տնտեսության վրա։

Ընդ որում` շուրջ 30,8%–ը թերահավատորեն են վերաբերվում նման հեռանկարին` կարծելով, որ Հայաստանը չի կարողանա օգտվել այդ առավելություններից։ Միևնույն ժամանակ հարցվածների մոտ 10,6%–ը կարծում է, որ պատժամիջոցների վերացումը ոչ մի կերպ չի անդրադառնա Հայաստանի տնտեսության վրա, իսկ շուրջ 4,8%–ը դժվարացել է պատասխանել այդ հարցին։

Իրանն ու միջազգային միջնորդների «վեցյակը» հուլիսի 14–ին համաձայնագիր են ստորագրել, որը կկարգավորի իրանական ատոմային խնդիրը։ Բարդագույն բանակցությունների արդյունքում ընդունվել է գործողությունների համապարփակ ծրագիր, որի իրագործման դեպքում կվերացվեն ՄԱԿ ԱԽ–ի, ԱՄՆ և Եվրամիության` Իրանի նկատմամբ սահմանած տնտեսական պատժամիջոցները։

Sputnik Արմենիա կայքում հարցումն անցկացվել է ընթացիկ տարվա հուլիսի 21-ից օգոստոսի 31-ը։