ԵՐԵՎԱՆ, 31 օգոստոսի– Sputnik. Միջերկրական ծովում նոր գազային հանքավայրի բացումը կապահովի Եգիպտոսի էներգետիկ անկախությունը և տարածաշրջանի կայունությունը, կարծում է Իտալիայի Eni նավթագազայի առաջատար գլխավոր տնօրեն Կլաուդիո Դեսկալցին։
Օգոստոսի 30–ին Eni–ն հաղորդել է, որ Միջերկրական ծովում ամենախոշոր գազային հանքավայրն է հայտնաբերվել։ Ընկերության հայտարարության համաձայն, գտածոն բնական գազի ոլորտում «ահռելի բացահայտում» է։ Հանքավայրը բացահայտվել է ծովում` Եգիպտոսի մերձափնյա շրջանում։ Շուրջ 100 քկմ տարածքով Zohr հանքավայրում կարող է մինչև 850 մլրդ խմ գազ լինել։
«Այդ բացահայտման շնորհիվ Եգիպտոսն էներգետիկայի ոլորտում անկախ երկիր կդառնա։ Դա նրանց համար ֆունդամենտալ է, բայց կարևոր է նաև Եվրոպայի համար, քանի որ ավելի մեծ անվտանգություն և աշխարհաքաղաքական կայունություն կտա բոլորին` հաշվի առնելով այն դերը, որն ունի Եգիպտոսը տարածաշրջանում»,– ասել է Դեսկալցին La Repubblica թերթին տված հարցազրույցում, որը հրապարակվել է երկուշաբթի։
Պատասխանելով այն հարցին, թե կօգնի՞ այդ բացահայտումն Իտալիային նվազեցնել կախվածությունը ռուսական գազից, Eni–ի գլխավոր տնօրենը նշել է, որ ընկերությունը հնարավորություն կունենա Zohr հանքավայրից եգիպտական գազ արտահանել Ապենինյան թերակղզի։
Խոսելով այն մասին, թե որոնք կլինեն ընկերության հետագա քայլերը հանքավայրի բացումից հետո Դեսկալցին պարզաբանել է, որ մի քանի ամիս անց Eni–ն հույս ունի ստանալ դրա զարգացման և արտադրության արտոնագիր։
«Հաջորդ տարի մենք կբացենք առաջին գազահորը և կկառուցենք բոլոր խողովակաշարերը, որոնք անհրաժեշտ են տեղափոխման համար։ Ես ակնկալում եմ, որ արդյունքները կտեսնենք 2015-2018թթ. ռազմավարական ծրագրի ավարտին»,– ասել է նա։
Eni. Նոր հանքավայրը կապահովի Եգիպտոսի էներգետիկ անկախությունը
© Sputnik / Валерий Шустов
/ Բաժանորդագրվել
Եգիպտոսն էներգետիկայի ոլորտում կդառնա անկախ երկիր։ Դա կարևոր է նաև Եվրոպայի համար, քանի որ ավելի շատ անվտանգություն և աշխարհաքաղաքական կայունություն կտա բոլորին, կարծում է Իտալիայի Eni նավթագազայի առաջատար գլխավոր տնօրեն Կլաուդիո Դեսկալցին
