ԵՐԵՎԱՆ, 31 օգոստոսի — Sputnik. Կահիրեն կդադարեցնի գազի ներկրումը երեք–հինգ տարով Եգիպտոսի տարածքային ջրերում իտալական Eni ընկերության կողմից աշխարհի խոշորագույն գազային հանքավայրի հայտնաբերումից հետո, կիրակի «Ալ Ասըմա» հեռուստաալիքին տված հարցազրույցում ասել է նավթի և հանքային ռեսուրսների նախարարության պաշտոնական ներկայացուցիչ Համդի Աբդելազիզը։
Նրա խոսքով` գազի հանքավայրը խոշոր բացահայտում է, ինչպիսիք չեն եղել 1967 թվականից։ Աբդելազիզն ավելացրել է նաև, որ գազի բաց պաշարները, որոնք ծավալը գնահատվում է մոտ 30 տրիլիոն խորանարդ ֆուտ, թույլ կտան Եգիպտոսին ներկայիս սպառման դեպքում առանց ներկրման ապրել առնվազն տասը տարի։
«Կարևոր է, որ մեզ այդ դեպքում պետք չի լինի գազ ներկրել այլ երկրներից»,– ընդգծել է Աբդելազիզը։
Եգիպտոսում գազի մեծ պաշարների հայտնաբերման մասին տեղեկությունից հետո իսրայելական ԶԼՄ–ները ենթադրություն են արել, որ դրա հայտնաբերումն ուղղակիորեն կազդի իսրայելական շուկայի վրա, որը ծրագրում էր Եգիպտոս մատակարարել իր միջերկրածովյան «Լևիաթան» հանքավայրից։
Նոր հանքավայրը թույլ կտա Եգիպտոսին հրաժարվել գազի ներկրումից
© Sputnik / В. Немировский
/ Բաժանորդագրվել
Եգիպտոսի նավթի և հանքային ռեսուրսների նախարարության ներկայացուցիչը հայտնել է, որ ENI իտալական ընկերության բացած գազի հանքավայրը թույլ կտա Եգիպտոսին առանց գազի ապրել առնվազն տասը տարի
