Աշխարհի ամենաթանկ քաղաքների ցուցակում բացակայում են Փարիզը և Նյու Յորքը

ԵՐԵՎԱՆ, 31 օգոստոսի– Sputnik. Էքսպատների (մարդիկ, ովքեր աշխատանքի բերումով կամ իրենց կամքով բնակվում են օտար երկրում) InterNations սոցիալական ցանցը  հարցում է անցկացրել այն մասին, թե իրենց բաժանորդների համար որ քաղաքներում է կյանքը թանկ, հաղորդում է vokrugsveta.ru–ն։

Էքսպատները հաճախ փոխում են բնակության վայրը, այդ պատճառով ներսից ծանոթ են տարբեր երկրների և կարող են վերլուծել ամենամյա ծախսերն աշխարհի տարբեր անկյուններում։ Հարցման արդյունքներով` կազմվել է առավել թանկ քաղաքների տասնյակը, որտեղ առաջին տեղում Լուանդան է։

1.    Լուանդա (Անգոլա)
2.    Հոնկոնգ (Չինաստան)
3.    Ցյուրիխ (Շվեյցարիա)
4.    Սինգապուր (Սինգապուր)
5.    Ժնև (Շվեյցարիա)
6.    Շանհայ (Չինաստան)
7.    Պեկին (Չինաստան)
8.    Սեուլ (Հարավային Կորեա)
9.    Բեռն (Շվեյցարիա)
10.    Նջամենա (Չադ)

Զարմանալի է, որ ցուցակում չկան Փարիզը, Նյու Յորքը, Մոսկվան։ Ւսկ ահա Լուանդան երրորդ տարին շարունակ առաջին տեղում է։ Cost of Living survey–ի հարցման տվյալներով` Լուանդայում մեկ սենյականոց բնակարան վարձակալելն արժե 3500 դոլար, իսկ նոր ջինս գնելը` 240 դոլար։

Ավելի վաղ InterNations նույն խմբում մարդկանց հարց էր տվել կյանքի որակի մասին («երջանկություն», «հանգստություն», «առողջություն» և «քաղաքական կայունություն»)։ Փորձագետները կազմել են իրենց տեսանկյունից ամենահարմարավետ երկրների տասնյակը.

1. Սինգապուր
2. Էկվադոր
3. Ավստրիա
4. Շվեյցարիա
5. Պորտուգալիա
6. Իսպանիա
7. Ճապոնիա
8. Չեխիա
9. Գերմանիա
10. Հարավային Կորեա։
 
Միաժամանակ Սինգապուրը, Շվեյցարիան և Հարավային Կորեան առկա են երկու վարկանիշերում, ինչն ապացուցում է, որ այդ երկրներում կյանքի որակի համար պետք է վճարել նրա արժեքով։