Արգենտինական տանգոյի ռիթմով. լավագույն զույգերը Բուենոս Այրեսում

Բուենոս Այրեսի «Լունա Պարկ» մարզադաշտում տեղի ունեցած տանգոյի աշխարհի առաջնության հաղթողներ դարձան արգենտինացիներ Կամիլա Ալեգրեն և Էսկել Լոպեսը։ Գավաթի համար պայքարում էին նաև ռուսները։ Մաքսիմ Գերասիմովն ու Մարիա Մարինովան զբաղեցրեցին չորրորդ տեղը։

Պարգևատրման արարողությունից հետո հաղթողները որոշեցին կրկին ուրախացնել հանդիսատեսին և պարեցին բիս։

Տանգոն Արգենտինայում ավելի քան 100 տարվա պատմություն ունի։ Պարը ծնվել է 19-րդ դարի վերջին Բուենոս Այրեսի Լա Բոկա թաղամասի նավահանգստային գոտում։ Ի սկզբանե այն պարում էին միայն տղամարդիկ, հետո տանգո սկսեցին պարել թեթևաբարո կանայք, և դա հետագայում իր հետքը թողեց տանգոյի կանացի ավանդական պարային զգեստների վրա` մեծ բացվածքով սեղմ զգեստ, ցանցավոր գուլպաներ, խորը բացվածքով բլուզ և բարձրակրունկ կոշիկներ։
 
Մեր ժամանակներում այդ պարը հայտնի և սիրված է ամբողջ աշխարհում, իսկ Արգենտինայի մայրաքաղաք Բուենոս Այրեսում ամեն տարի անցկացվում է տանգոյի աշխարհի առաջնություն։ Պարային ելույթները դիտելու համար այցելում է շուրջ 100 հազար մարդ, որոնց մեկ երրորդն արտասահմանցիներ են։
 
Վեց տարի առաջ արգենտինական տանգոն ներառվել է ՅՈՒՆԵՍԿՕ–ի Համաշխարհային մշակութային ժառանգության ցանկում։