ԵՐԵՎԱՆ, 28 օգոստոսի– Sputnik. France 3 հեռուստաընկերությունը պատրաստել է «Հայերի գարունը» 55–րոպեանոց վավերագրական ֆիլմը, որը պատմում է հայերի և հայոց պատմության մասին։
Ինչպես հաղորդում է Nouvelles d'Armenie–ն, ֆիլմի մեծ մասը նվիրված է 100 տարվա վաղեմություն ունեցող դեպքերին` Հայոց ցեղասպանությանը, որի պատճառով մեկուկես մարդ է մահացել։
«Հայերի տեղահանման հետևանքով ժամանակի ընթացքում տարբեր գաղութներ են ստեղծվել։ Թուրքիան պաշտոնապես ժխտում է Ցեղասպանությունը և իր հերքման մեջ հասնում ընդհուպ մինչև այնտեղ, որ փորձում է մաքրել այդ տարածքները հայկական ներկայության հետքերից»,– ասվում է ֆիլմում։
Ֆիլմի հերոսներից մեկը ֆրանսահայ Վարուժան Արթինն է, ով ժամանակին երդվել է երբեք ոտք չդնել Թուրքիայի տարածք, սակայն հետո որոշել է այցելել իր նախնիների երկիր։
«Դա մեծ ցնցում էր նրա համար. նա տեսավ ծպտյալ հայերի, որոնք կարողացել էին փրկվել 20–րդ դարի առաջին ցեղասպանությունից և երբեք չէին լքել Թուրքիան»,– ասվում է ֆիլմում։
«Հայերի գարունը» ֆիլմը կցուցադրվի օգոստոսի 31–ին Փարիզի ժամանակով 23։25–ին։
France 3 հեռուստաընկերությունը Հայոց ցեղասպանության մասին պատմող վավերագրական ֆիլմ կցուցադրի
15:28 28.08.2015 (Թարմացված է: 15:31 28.08.2015)
© Sputnik / Владимир Федоренко
/ Բաժանորդագրվել
Ֆիլմի հերոսներից մեկը ֆրանսահայ Վարուժան Արթինն է, ով ժամանակին երդվել է երբեք ոտք չդնել Թուրքիայի տարածք, սակայն հետո որոշել է այցելել իր նախնիների երկիր
