ԵՐԵՎԱՆ, 27 օգոստոսի– Sputnik. ԱՄՆ–ն փորձում է հավասարակշռությունից հանել Ռուսաստանին և, հետևելով Արևմուտքի քաղաքականությանը, արդարացնել իր գործողությունները ողջ աշխարհում ժողովրդավարության պաշտպանությամբ, «Sputnik-Արմենիա» կայքին հայտնեց քաղաքագետ Սերգեյ Շաքարյանցը` մեկնաբանելով Ռուսաստանի Դաշնությունների խորհրդի նախագահ Վալենտինա Մատվիենկոյի վիզայի սահմանափակման շուրջ ստեղծված իրավիճակը։
Նախօրեին ամերիկյան իշխանությունները Մատվիենկոյին վիզա են տվել, որը թույլ չի տալիս նրան մասնակցել միջխորհրդարանական միության նստաշրջանի բոլոր միջոցառումներին, որը տեղի կունենա օգոստոսի 31–ից սեպտեմբերի 2–ը Նյու Յորքում։ Ամերիկացիներն իրենց որոշումը բացատրել են նրանով, որ Մատվիենկոն ներառված է պատժամիջոցների ցուցակում և սահմանափակել են նրա մասնակցությունը միայն ՄԱԿ–ի գծով միջոցառումներով։ Արդյունքում ռուսական պատվիրակությունը հրաժարվել է ուղևորությունից։
«Այն ամենը, ինչ հիմա անում է ԱՄՆ–ն, ռազմավարության իրագործում է, որը նրանք սկսել են դեռ 2005թ.–ին։ Նրանք 10 տարի շարունակ իրականացնում են տարբեր միջոցներով Ռուսաստանին «ուժասպառ» անելու հայեցակարգը։ Խնդիրը համաշխարհային գերիշխանությունը տարածելը և Ռուսաստանին որպես պետություն վերացնելն է»,– կարծում է Շաքարյանցը։
Նրա խոսքով` Մատվիենկոյի հետ տեղի ունեցածը հերթական քայլն է այդ ճանապարհին։
Միաժամանակ նա չի կանխատեսել իրադարձությունների հետագա զարգացումը, ասելով, որ հիմա ամեն ինչ կախված է ԱՄՆ–ից։
«Եթե նրանք վերադառնան կառուցողական երկխոսության ուղի, ապա հետագա առճակատումից կարելի է խուսափել, և կարելի է վերականգնել միջազգային հարաբերությունների պատշաճ մակարդակը։ Եթե ԱՄՆ–ն շարունակի ընթացիկ քաղաքականությունը, ապա մենք կտեսնենք ավելի կտրուկ հակառուսական դրսևորումներ»,– նշեց նա։
«Ընդհանուր առմամբ, ժամանակակից ռուս–ամերիկյան հարաբերություններն ԱՄՆ–ի և Ռուսաստանի միջև այն սրացման շարունակությունն են, որը սկսվել է մինչև Ուկրաինան։ Կարևոր է հիշել, որ Մագնիտսկու նման օրենքները եղել են մինչև Կիևում պետական հեղաշրջումը և ցույց են տվել երկկողմանի հարաբերությունների սառեցումը։ Հիմա դա այն սրացման կոնկրետ ձևն է, որը սկսվել է ուկրաինական ճգնաժամից առաջ»,– ավելացրեց նա։
Քաղաքագետ. ԱՄՆ–ն ցանկանում է հավասարակշռությունից հանել Ռուսաստանին
© Armenpress
Բաժանորդագրվել
ԱՄՆ–ն գործում է այն ռազմավարության համաձայն, որը մշակել է դեռ 2005թ.–ին։ Նա 10 տարի շարունակ իրագործում է տարբեր միջոցներով Ռուսաստանին «ուժասպառ» անելու հայեցակարգը։ Խնդիրը համաշխարհային գերիշխանության տարածումն է և Ռուսաստանի` որպես պետության վերացումը
