ԵՐԵՎԱՆ, 27 օգոստոսի – Sputnik. ՀՀ նախագահ Սերժ Սարգսյանը շարունակում է սահմանադրական բարեփոխումների շուրջ հանդիպումներ և քննարկումներ ունենալ քաղաքական ուժերի ներկայացուցիչների հետ:
Այդ գործընթացի շրջանակում նախագահն այսօր հանդիպել է Հայոց համազգային շարժում (ՀՀՇ) կուսակցության ներկայացուցիչներ Ալեքսանդր Արզումանյանի, Արարատ Զուրաբյանի և Դավիթ Առաքելյանի հետ, հաղորդում է Հայաստանի նախագահի մամուլի ծառայությունը:
ՀՀ նախագահին առընթեր Սահմանադրական բարեփոխումների մասնագիտական հանձնաժողովը օգոստոսի 21–ին հաստատել է սահմանադրական բարեփոխումների ամբողջական փաթեթը, որով նախատեսվում է անցում կատարել խորհրդարանական կառավարման կարգին` դրան հարակից բոլոր հիմնավորումներով։ Նույն օրը ՀՀ նախագահ Սերժ Սարգսյանը նախագիծը ներկայացրել է խորհրդարան։
Մայր օրենքի նախագծի գլուխների հրապարակված դրույթները վերաբերում են սահմանադրական կարգի հիմունքներին, մարդու և քաղաքացու հիմնական իրավունքներին և ազատություններին, սոցիալական, օրենսդրական երաշխիքներին ու տնտեսական և մշակութային ոլորտներում պետական քաղաքականության հիմնական նպատակներին, խորհրդարանի, նախագահի, կառավարության, դատարանների և նոր մարմնի` Գերագույն դատական խորհրդի, դատախազության և քննչական մարմինների, տեղական ինքնակառավարման մարմինների, Օմբուդսմենի, ԿԸՀ–ի գործունեությանը։
Հայաստանի նախագահը սահմանադրական բարեփոխումները քննարկել է ՀՀՇ ներկայացուցիչների հետ
Բաժանորդագրվել
Սարգսյանը ՀՀՇ ներկայացուցիչների հետ քննարկել է ՀՀ սահմանադրության բարեփոխման նախագիծը
