Կազարնովսկայա. Ռեքվիեմը կհնչի Ղարաբաղում` հանուն խաղաղության և բարության

ԵՐԵՎԱՆ, 27 օգոստոսի – Sputnik. Ջուզեպե Վերդիի «Ռեքվիեմը» կհնչի Արցախում` հանուն խաղաղության, բարության և արդարության, ասաց հայտնի օպերային երգչուհի Լյուբով Կազարնովսկայան հինգշաբթի Երևանում տեղի ունեցած մամուլի ասուլիսի ժամանակ։

Սեպտեմբերի 1-ին` Արցախի անկախության օրվա նախօրեին, Ստեփանակերտի Վերածննդի հրապարակում կհնչի համաշխարհային դասական երաժշտության գկուխգործոցներից մեկը` Վերդիի «Ռեքվիեմը»։ Համերգը, որը կանցակցվի Հայոց ցեղասպանության 100-րդ տարելիցի տարում, նվիրվում է բոլոր ցեղասպանությունների անմեղ զոհերի հիշատակին և հերոսների, որոնք իրենց կյանքն են տվել հանուն ազատության։ Համերգն անցկացվելու է Հայաստանի առաջին տիկին Ռիտա Սարգսյանի հովանու ներքո։

«Ես ուրախ եմ, որ «Ռեքվիեմ» նախագիծը մենք նվիրում ենք Հայոց ցեղասպանությանը, այդ` մի կողմից ողբերգական իրադարձությանը, մյուս կողմից մի տարեթվի, որը հույս է ներշնչում և ցույց տալիս, որ հնարավոր չէ սպանել Հզոր Հայաստանի և նրա մշակույթի ոգին, խաթարել այդ ազգի վերածնունդն ու բարգավաճումը», – ասաց Կազարնովսկայան։

Նրա խոսքով` «Ռեքվիեմը» Վերդիի երաժշտության սգո երթը չէ հայկական հողում, այլ մարդկային ոգու գովերգումը։

«Մենք ուրախ ենք, որ կարող ենք հենց այս երաժշտությամբ փառաբանել հայ ժողովրդին, հայկական հողը, և առավել ևս` անել դա Արցախում, որտեղ անհրաժեշտ է նմանատիպ ուրախալի թռիչք, քանի որ հնարավոր չէ, ինչպես շիշը խցանելը, ճնշել մարդկային հույզերը, կյանքի ուրախությունները և հայտարարել Արցախյան հողն անձեռնմխելի։ Արցախում մարդիկ են ապրում, այնտեղ շատ երեխաներ կան, շատ սեր կա, այնտեղ իսկական տոնի են սպաում», – ասաց Կազարնովսկայան։

Նրա խոսքերով` ինքն անչափ երջանիկ է, որ Հայաստան է եկել։

«Մենք աննկարագրելի երջանիկ ենք, որ գտնվում ենք իմ սիրելի հզոր Հայաստանի տարածքում, ես իրավունք ունեմ այսպես կոչելու, քանի որ այստեղ եմ մեծացել։ Հայաստանի երաժշտական մշակույթին ես անձամբ տեղյակ եմ։ Ինձ համար ցանկացած այցն այստեղ պատահական չէ։ Ես հասկանում եմ այդ երկրին, ես սիրում եմ այն, ես վաղեմի կապեր ունեմ Հայաստանի հետ։ Այստեղ վերադառնալն ինձ համար, կարծես, վերադարձ լինի տուն` հրաշալի երաժշտական երիտասարդություն», – ասաց Կազարնովսկայան։

Նա նաև բարձր գնահատեց Հայաստանի պետական երգչախմբի գործունեությունը։ «Սա լավագույն երգչախմբերից մեկն է, որի հետ ես երբևէ հնարավորություն եմ ունեցել երգել», – ասաց նա։

«Մեր երիտասարդ մենակատարները, կարծում եմ, կուրախացնեն ձեզ իրենց արվեստով, քանի որ նրանց համար սա հոգու տոն է։ Ես կարծում եմ, որ մենք շատ հետաքրքիր, շատ գեղեցիկ և շատ նշանակալի համերգ կունենանք», – ասաց Կազարնովսկայան։

«Ծրագրի շրջանակում մենք նաև որոշել ենք սեպտեմբերի 4-ին Հայաստանի օպերային թատրոնում բարեգործական համերգ տալ, որը կնպաստի երաժշտական մշակույթի, երաժշտական թատրոնի մշակույթի, երիտասարդներին էստաֆետի փախանցման վերածննդին, հայ և միջազգային երգիչների երիտասարդ սերնդի դաստիարակմանը», – հայտնել է օպերային երգչուհին։

Ստեփանակերտում անցկացվող համերգի գեղարվեստական ղեկավարն ու նախագծի հեղինակը Լյուբով Կազարնովսկայան է։ Համերգին կմասնակցեն Հայաստանի ազգային ֆիլհարմոնիկ նվագախումբը` Էդուարդ Թոփչյանի ղեկավարությամբ, Հայաստանի ազգային ակադեմիական երգչախումբը` Հովհաննես Չեքիջյանի ղեկավարությամբ, «Վարարակն» Արցախի պետական կամերային երգչախումբը, «Մրակաց» Արցախի պետական կամերային երգչախումբը` Մարինե Մեսրոպյանի ղեկավարությամբ։