ԵՐԵՎԱՆ, 26 օգոստոսի– Sputnik. Հոնդուրասում 16–ամյա Նեյսի Փերեզն ուշքի է եկել սեփական թաղումից հետո։ Ինչպես հաղորդում է The Telegraph–ը, աղջիկը մահացել է, երբ նրան փորձել են հանել գերեզմանից, հայտնում է Lenta.ru–ն։
Նեյսի Փերեզը հղի է եղել, գիտակցությունը կորցրել է, երբ Լա Էնտրադա քաղաքում իր տան մոտ կրակոցների ձայն է լսել։ Երբ ծնողները եկել են աղջկան տեսության, նրա բերանին փրփուր է եղել։ Ծնողները կանչել են տեղի քահանային` ենթադրելով, որ աղջիկը դիվահար է եղել։ Էկզորցիզմի ծեսի արդյունքում աղջիկը սկսել է կյանքի նշաններ ցույց տալ, նրան տեղափոխել են հիվանդանոց, որտեղ բժիշկները արձանագրել են, որ նա մահացել է։
Փերեզին թաղել են հարսանեկան զգեստով, քանի որ ամուսնացել էր մի քանի ամիս առաջ։ Երբ թաղման հաջորդ օրը նրա ամուսինը` Ռուդի Գոնզալեսը, գնացել է գերեզմանոց, շիրիմից եկող խուլ ճիչեր և թակոց լսել է։ Տղամարդն օգնության է կանչել հարազատներին։
Երբ նրանք փորել են գերեզմանը և բացել դագաղը, պարզվել է, որ Փերեզը մահացած չէ։ Ձեռքերի վերքերն ապացուցում են, որ աղջկան ողջ–ողջ են թաղել, և նա փորձել է դուրս գալ գերեզմանից։ Հարազատների խոսքով` Փերեզի մարմինը տաք է եղել։ Նրան տեղափոխել են հիվանդանոց, սակայն աղջկան չի հաջողվել փրկել։
Սկզբնական գիտակցության կորուստը, ինչպես ենթադրում են բժիշկները, կարող էր տեղի ունենալ խուճապի արդյունքում, որը հետևանքով սիրտը կանգնել է։ Բացի այդ, բժիշկները ենթադրում են, որ Փերեզի մոտ վախից եղել է կատապլեքսիայի նոպա, որն ուղեկցվել է մկանների տոնուսի կորստով։
Հոնդուրասում հղի աղջիկն արթնացել է դագաղի մեջ
15:46 26.08.2015 (Թարմացված է: 15:52 26.08.2015)
© Аndi.my
Բաժանորդագրվել
Երբ թաղման հաջորդ օրը նրա ամուսինը` Ռուդի Գոնզալեսը, գնացել է գերեզմանոց, խուլ ճիչեր և թակոց է լսել
