ԵՐԵՎԱՆ, 26 օգոստոսի– Sputnik. Երևանի դպրոցներում սովորում են 462 սիրիահայ երեխաներ, ևս 103–ը հաճախում են մանկապարտեզներ, հայտնեց Երևանի քաղաքապետարանի հանրակրթության բաժնի վարիչ Գայանե Սողոմոնյանը։
«Նրանց համար ստեղծվել են բոլոր պայմանները։ Նրանք արտահերթ դիմում են կրթական հաստատություն, ինչպես նաև անվճար օգտվում են բոլոր ծառայություններից, այդ թվում` վճարովի»,– ասաց Սողոմոնյանը։
Նրա խոսքով` սեպտեմբերի 1–ի առթիվ քաղաքապետարանը նրանց համար անակնկալ է պատրաստել. 1-4–րդ դասարան գնացող սիրիահայ երեխաները նվեր կստանան դպրոցական պայուսակ և գրենական պիտույքներ։
Մինչև ներքին հակամարտությունը սկսվելը Սիրիայում բնակվել է ավելի քան 100 հազար հայ, նրանց մեծ մասը բնակություն է հաստատել հյուսիսում (Հալեպ նահանգ) և հյուսիս–արևելքում (էլ Հասակե նահանգ)։ Դամասկոսում ապրել և աշխատել է ավելի քան 7 հազար հայ։ Սիրիական ճգնաժամը սկսվելուց հետո շուրջ 90 հազար հայեր լքել են արաբական հանրապետությունը։
Երևանի դպրոցներ և մանկապարտեզներ հաճախող սիրիահայ երեխաների թիվը գերազանցում է 560–ը
© Sputnik / Валерий Шустов
/ Բաժանորդագրվել
Երևանի քաղաքապետարանի հանրակրթության վարչության պետ Գայանե Սողոմոնյանի խոսքով` Սիրիայից տեղափոխված հայերի երեխաներն արտահերթ են հաճախում Երևանի դպրոցներ
