Բեյրութի կենտրոնում` Ռիյադ աս Սոլհ հրապարակում, հավաքվել են մի քանի հարյուր մարդիկ, որպեսզի բողոքեն կենցաղային թափոնների օգտահանության բացակայության դեմ։ Ակցիան սկզբում խաղաղ բնույթ է կրել, այնուհետև վերածվել է ոստիկանության և ցուցարարների բախման։ Իրավապահ ուժերը ցուցարարների դեմ կիրառել են արցունքաբեր գազ, ռետինե փամփուշտներ և ջրցաններ, իսկ ակցիայի մասնակիցները ոստիկանների վրա քարեր են նետել։
Լիբանանի մայրաքաղաքում բողոքները սկսվել են շաբաթ օրը, երբ շուրջ հարյուր ցուցարարներ ակցիա են անցկացրել «Տուլետ Ռիխիտկուն» («Ձեզանից գարշահոտ է փչում») հասարակական շարժման կոչով։ Լարված վիճակը սկսվել է ամառվա սկզբից, երբ ողջ քաղաքում սկսել են հավաքվել աղբակույտեր` Նամեհ աղբանոցի փակման հետ կապված։
Ցուցարարներից մեկը մահացել է, տասնյակ մարդիկ, այդ թվում ոստիկանության աշխատողներ, վիրավորվել են։
«Աղբային» ցույց Բեյրութում. ցուցարարները քարեր են նետել ոստիկանների վրա
© Ruptly
Բաժանորդագրվել
Լիբանանի մայրաքաղաքի կենտրոնում, կառավարության շենքի մոտ անցկացված բողոքի ակցիան ոստիկանների և ցուցարարների բախման է վերածվել։ Տասնյակ մարդիկ հոսպիտալացվել են, իրավապահ մարմինները բերման են ենթարկել ավելի քան 40 հոգու
