ԱԻՆ. Պրիմորիեն սպասում է «Գոնի» թայֆունին

ԵՐԵՎԱՆ, 26 օգոստոսի– Sputnik. Թուլացած «Գոնի» թայֆունը մոտեցել է Պրիմորիեի երկրամասի տարածքին, շուտով սպասվում է, որ այն կհայտնվի մայրցամաքում, հայտնել են Ռուսաստանի ԱԻՆ Հեռավոր Արևելքի տարածաշրջանային կենտրոնի մամուլի ծառայությունից։

«2015թ.–ի օգոստոսի 26–ին Պրիմորիեի երկրամասի ափամերձ շրջաններին է մոտեցել նախկին «Գոնի» թայֆունը, որը թուլացել է մինչև խոր ցիկլոնի մակարդակ։ Օրվա երկրորդ կեսին (Մոսկվայի ժամանակով 9:00-10:00–ին) սպասվում է, որ այն կհասնի մայրցամաք։ Դրա հետ կապված` Պրիմորիեի երկրամասի հարավային մասում երեկոյան և գիշերը կանխատեսվում է հորդառատ անձրև, քամին կլինի սրընթաց` մինչև 25-30 մ/վրկ»,– ասվում է հաղորդագրությունում։

Ինչպես հայտնել են տեղի ԱԻՆ–ից, ցիկլոնի հնարավոր հետևանքներն արագ վերացնելու և օգնություն ցուցաբերելու համար ընդհանուր խմբավորման մեջ մտնում է ավելի քան 22 հազար մարդ և 4 հազար միավոր տեխնիկա։

Ճապոնիայում «Գոնի» թայֆունից տուժել է առնվազն 109 մարդ, ավելի քան 300 ներքին չվերթ չեղյալ են հայտարարել։