Արագածոտնում ամուսինը սպանել է քնած կնոջը

ԵՐԵՎԱՆ, 26 օգոստոսի– Sputnik. Օգոստոսի 25-ին ժամը 23.30-ին հիվանդանոցից ոստիկանության Արագածի բաժնում հաղորդում է ստացվել, որ Գեղադիր գյուղի բնակիչ Գևորգ Գ.-ն դանակահարել է կնոջը և «շտապօգնության» խումբը կանչով մեկնել է այնտեղ։ Այս մասին նշված է ոստիկանության կայքում:

Մեկնած օպերատիվ խումբը պարզել է, որ նույն օրը, ժամը 23.00-ի սահմաններում, 1960 թ. ծնված Գևորգ Գ.-ն տանը դանակով հարվածել է կնոջ` 1963 թ. ծնված Գայանե Գրիգորյանի կրծքավանդակի աջ վերկրծքային շրջանին, ինչի հետևանքով վերջինս «շտապօգնության» ավտոմեքենայով հիվանդանոց տեղափոխվելու ճանապարհին մահացել է:

Գևորգ Գ.-ն բերման է ենթարկվել ոստիկանության Արագածի բաժին:
Դանակն առգրավված է: Կատարվում է նախաքննություն:

Լրատվամիջոցները հայտնում են, որ ամուսինը մի քանի անգամ բուժվել է հոգեբուժարանում, իսկ սպանության պահին կինը քնած է եղել։ Նշվում է նաև, որ ընտանիքը ծայրահեղ աղքատ վիճակում է ապրում, ընտանիքում կա 3 երեխա, որոնցից մեկն էլ հաշմանդամ է։